الأربعاء، 1 أبريل 2009

أخر تقاليع التعليم فى مصر امتحانات ميد ترم


قرر مجلس إدارة جامعة الإسكندرية فرع دمنهورتطبيق نظام الميد ترم
وذلك ابتداء من السبت 4/4/2009علي أن تتوقف الدراسة
بجميع الكليات أثناء عقد الامتحانات هذا وتعقد الامتحانات طبقاً
لنظام امتحانات الفصل الدراسي الأول بنفس أرقام الجلوس
خير اللهم خير أنا بحلم ولا أيه أيه اللي أنا شايفه في الكلية ده لالالا الطلاب ملمومة فيه أيه يا جماعة بيقولك امتحانات ميد ترم ههههه وده جدول الامتحانات يوميا مادة الأربع دفع وراء بعض ووقت الامتحان ساعة إلا ربع يعنى 45 دقيقة يادوب الواحد يلحق يكتب اسمه طب أيه اللي الطلاب واقفة عنده ده يانهار محمحى على بحلقي ده الجدول الطلاب بتنقله كل ده وأنا مفكر بحلم وبقول دلوقتى تيجى الحاجة تصحين من النوم وتقولي فوق يابنى امتحانات أيه هو أنت تعرف اسامى المواد اللي عليك أساساً وبعدين قولت أروح اسأل فيه أيه يا جماعة ده بجد مش بحلم وربنا العظيم ده قرار بيقولوا نائب رئيس الجامعة اعتمده ونزل أهوت النهاردة السبت وامتحاناتكم السبت الجاى وقال أيه أوبن بوك يعنى أيه الكلمة دى بوك يعنى كتاب دى معناها أنى اشترى كتاب بعد خدمة 4 سنين في الكلية تشترى كتاب ياض نفسي بتحدث نفسها اشترى أيه كتاب مش الكتاب ده اللي كنا عاملين اعتصام بسببه من أسبوعين علشان عاوزين يلغوا الدعم من عليه ولما اعتصمنا رجعوا في قرارهم طب أيه ده ستشتريه ولا أيه ياض دماغي لفت امتحانات أيه وكتب أيه هو الواحد أول يوم يروح الكلية يحصله كده لا اله إلا الله أدى آخرة اللي يدخل تجارة ده رد سمعته من طالب واقف جنبي المهم انتوا عارفين أخوكم النجم القادم أيده بتآكله دائما ومفكرلى نفسه صحفي فضربت في دماغه قال إيه انه يعمل تقرير صوحفي عن الميد ترم تعالوا نشوف تقرير أخونا النجم القادم ونرجع تأنى.
كتب النجم القادم :-
في إطار الخطة التي تضعها وزارة التعليم العالي في النهوض بالعملية التعليمية بالجامعات المصرية قرر الأستاذ الدكتور سعيد عبده نافع نائب رئيس جامعة الإسكندرية لشئون فرع دمنهور تطبيق نظام الميد ترم في إطار محاولة سيادته تأسيس جامعة البحيرة بالرغم من رفض المجلس الأعلى للجامعات وفى محاولة منا في التحقق من حقيقة الأمر حاولنا التوجه إلى مكتب السيد نائب رئيس الجامعة ولكن باءت محاولتنا بالفشل فتوجهنا إلى مكتب السيد عميد كلية التجارة الدكتور أحمد مندور ولكننا لم نجده لأنه في أجازة نتيجة إصابة سيادته بكسر في إحدى رجليه وحاولنا مقابلة السيد وكيل الكلية ولكنه كان يلقي إحدى المحاضرات فتوجهنا إلى مقابلة أحد مسئولي الكلية ولكننا نتحفظ على ذكر اسمه أو منصبه امنياً فقد صرح لنا بان ما يحدث ما هو إلا همجية وقلة أدب على حد تعبيره معبرا عن استياءه من هذا القرار وذلك لان كلية التجارة لم يمضى على انتهاء امتحانات التعليم المفتوح سوئ خمسة أيام وان العمال لمن يرتاحوا بعد من رافع الديسكات وتنظيف الكلية فحرام نقولهم يرجعوا يفرشوا الديسكات تأنى وكمان الكنترول الذي لم يفرغ من الانتهاء من تصحيح نتيجة الفصل الأول حتى الآن بعدها قمنا بالتوجه إلى مكتب السادة المعيدين بالكلية ونسألهم عن حقيقة ما يحدث ليخرج علينا أحد المعيدين يصرخ ويقول لنا حسبنا الله ونعم الوكيل في سبب اللي بيحصل فينا ده إحنا يادوب خلصنا امتحانات التعليم المفتوح امتحانات ميد ترم أيه الطلاب ما يعرفوش اسامى المواد اللي عليهم أيه هذا كان رد أحد المعيدين ثم توجهنا إلى معيد أخر بجانبه فرد علينا يا حبيبي دي عزبة أبوهم هم أحرار يعملوا ميد ترم ولا حتى يلغوا الامتحانات هم خسرنين شئ دول بهوات في مكاتبهم مش طالع إلا ..... أهلنا ده كان رده علينا ثم نفاجئ بأحد المعيدين وهو مسئول كنترول إحدى الدفع ليخبرنا بأنهم أساسا لم يتسلموا إلا مادة واحده حتى الآن في الكنترول من إجمالي 7 مواد فده حرام ولا حلال ميد ترم وإحنا أساساً مخلصناش الميد ترم ثم تبعه احد المعيدين ليكمل طب دلوقتى زى ما الدكتور فالك مدخلش إلا مادة واحده طب ماشي هتيجى الأسبوع الجاى كله امتحانات من السبت للجمعة طيب هتخلص الجمعة يادوب ما تخلص الامتحانات تكون 10/4 وتشيل الامتحانات دى وترتب كنترولك وتبدأ تجهز المواد تكون دخلت في 15/4 ونتيجة الترم الأول لم تظهر هو فيه كده في جامعة محترمة ولا بلد متحضرة وزعلانين إننا مش من الـ500 جامعة على العالم المفروض إحنا نكون من الـ500 جامعة متخلفة على العالم وكمان هنكون الجامعة الـ500 حرام اللي بيحصل ده والله.

ثم توجهنا إلى قطاع الطلاب ونزلنا وسطهم لنستطلع أرائهم على هذا القرار فوجدنا أن هناك ما يقرب من نسبة 95 % من طلاب الكلية لا يعرفون أسماء المواد التي يدرسونها فكانت صاعقة علينا أكثر من صاعقة القرار
التجارة وكورسات الشطارة هذا هو ملخص حوارنا مع الطلاب فنجد الطالب (أ.ع) الفرقة الثالثة الذي عند سؤاله أجابنا أحنا منعرفش أسماء المواد أساسا هيمتحنونا في ميد ترم إيه إحنا دارين في التجارة على الكورسات اشترى الكورسات وادخل الامتحان لا كتاب ولا محاضرات
وبتوجهنا إلى أحد الطلاب اللي بيحضروا محاضرات فتحدث إلينا الطالب (ش.ن) الفرقة الثالثة بان ما يحدث ما هو إلا مهزلة واستخفاف بنا نحن الطلاب كيف يعقل بان يأتوا إلينا يوم السبت ليخبرونا بان هناك امتحانات يوم السبت القادم هل يعقل بان يقوم طالب بمذاكرة 7 مواد أو 8 مواد في أسبوع كيف ذلك وكلها محاسبات
الطالب (ع.م) الفرقة الثانية تحدثنا معه ليخبرنا بأنه حاول أن يحصل على الكتب ولكنه تفاجئ بان معظم الكتب ليست موجودة ومنها من أتى وبيع بالكامل وأخبرنا بان هناك احد الأساتذة ثمن كتابه وصل 30 جنيها بدل ال15 جنيه لأنه طبع كتب زيادة .
وإحدى المفأجات تأتى على لسان إحدى الطالبات والتي تدعي (م.خ) الفرقة الثانية لتخبرنا بان أحد الأساتذة عند سؤاله في المحاضرة عن الامتحانات هذه رد بأنه أول مرة يسمع عنها من الطلاب ألان .
وتكرر الأمر في الفرقة الربعة وقد اخبر الطالب (هـ.ع) بان أحد الأساتذة اخبرهم بأنه لم يعرف إلا الآن قبل دخوله المحاضرة وهو مش عارف يعمل إيه وقام بتحديد سؤالين للطلاب
كل هذا يحدث في جامعة من جامعات مصر الم نستعجب ألا لنا الحق في أن نثور وان نضرب اااااااه هو ده السبب اخبرني أحد طلاب الاتحاد المعين اليوم بان هذا القرار هو قرار سياسي من أجل منع الطلاب من المشاركة في إضراب 6 إبريل المزمع تنفيذه الأسبوع المقبل وهو ما أكده لنا إعلان كلية الآداب فرع دمنهور وكلية التربية أيضا فرع دمنهور خبر امتحانات الميد ترم يوم السبت 4/4 وهم لم يعلموا به إلا يوم الثلاثاء فهل هذا يعقل؟؟؟
ونتوقع صدور أي قرارات مماثله في جامعات أخري فهل هذا القرار فعلاً سيصدر وسيطبق على جميع جامعات مصر الله وأعلم ولكن لماذا كل ذلك من أجل إضراب 6 إبريل فلو هذا حقيقة فانا أقول لاخوانى من أطلقوا مبادرة إضراب 6 إبريل حقاً انتم نجحتم في جعل النظام المصري يتخبط
وفى نهاية تقريرنا على أحداث امتحانات الميد ترم نقول للنظام المصري حسبنا الله ونعم الوكيل فيكم وفعلا لقد حان الوقت لك لكي ترحل عنا
أتمنى بجد أنى أكون قد أظهرت لكم ما يحدث حقا لا تعليق على ذلك والله العظيم حراااااااااااااام كنت مفكره حلم ولكنه تحول إلى كابوس
تحديث جديد
وصل الينا منذ قليل خبر الغاء الامتحانات وانها ستتم فى كل محاضرة على حسب كل دكتور وسنوافيكم غدا بصحة هذا القرار وسوف ننشره لكم باذن الله تعالى

مع خالص تحياتي
أخوكم
النجم القادم

الأربعاء، 25 مارس 2009

ألو ...يا شعب


ترن ....ترن ....ترن ... ألو ....ألو ....ألو ...أيوه يافندم .... عايز مين .....

عايز الشعب .... أنت حضرتك طالب رقم كام ...

أنا طالب 7 أصفار

إحنا السنترال طلباتك إيه ....

عايز أكلم الشعب .....النمره بضربها ما بتردش هو الخط بتاعهم فيه حاجه ....؟؟؟

نمرتهم سليمه زي ماهيه 7 اصفار

طيب ليه مابيردش ...؟؟؟

أنت ما ينفعش تكلمه طوالي لازم إحنا نحولك علشان هو ما بنكشفش علي غرب ...!!

طيب حولني

بس خلي بالك هو بيتكلم بصعوبه ....!!
مش مهم ...عايز اسمع صوته
...واحشني ...نفسي أطمئن إنه عايش ....هو عامل إيه دلوقتي ...؟؟؟

والله حالته مش ولابد ...من بعد ما عطوله دوا غلط ...والبنج كمان كان زياده ودخل في غيبوبه إضطراريه ...عموماً هو بيعافر ولكن أنت أدري بعلاج اليومين دول بيجيب الأرض ...!!!

يعني الحاله صعبه قوي كده ... مش ممكن أسمع همسه حتي منه ...!!

والله أنت صعبت عليا ولازم أقول لك الحقيقه ....
خير .....

البعده حاطينه في عزل ومانعين عنه الإتصال بأي حد .... ومكتفينه تكتيفه سودا ...علشان عارفين إنه لما حيصحي حيحصل إيه ..... دول حتي ملبسينه كمامه ...علشان ما يطلعش صوت النفس ....!!!

يا ساتر ....يارب .... هي وصلت لحد كده .... بقي كل ده يطلع منهم ...

هوالغلطان وهو إللي سلمهم دقنه بطيبته وسذاجته وسلبيته ....

لأه ...وفيه الأمر من كده ....

إيه تاني ....

حاجات فظيعه ... أستغلو الغيبوبه إللي هوه فيها .... وعاملين يمصوا في دمه ويبيعوا أعضائه للي يدفع أكثر ...
أرجوك أكلمه ولو دقيقه أنت كده وغوشتني عليه خالص ....

يا سيدي لسه واخد جرعة بنج كوره وبنج رقص وبنج هلس وبنج بحث عن لقمة العيش ...حتلاقيه نايم وهو بيكلمك ...

مش مهم أنا حفوقه ...
خلاص أنت حر ...بس 3 دقائق بس ....

ماشي .....
ألو .... أيوه ياشعب .....

أنت مين .....

أنا واحد بيحبك وخايف عليك ....

أنت أخبارك إيه ....؟؟؟

كويس ....وجهزت الأعلام ورسمت العلم علي وشي ورايح أتابع الدوري في الإستاد

بقلك أخبارك ...مش ألعابك ....
أنا رايح المصيف أبلبط في الميه ...بعد أن أخذت أسبوع أجازه من طابور العيش بالعافيه ....

أنت مش فاهمني ... أحوالك ...ولادك .... مستقبلك ....

كله كويس وعملنا 100 أغنيه وطنيه علشان العيد الوطني للبتنجان المكبب ...

ياه ده أنت حالتك صعبه خالص ....
يا شعب ....أنت سامعني .....
أيوه سامعك ....

أنت عارف أن بلدك بتتباع بالمتر للي بيدفع أكتر .....وأن شبابك عاطل وبناتك عوانس ومصانعك قفلت وأرضك أتجرفت وخيرك أتنهب وفلوسك أتهربت ....
إيه الكلام الغم ده .... أنا ما ليش في السياسه ...!!!
طيب لو أنت مالكش في السياسه مين حيحافظ علي البلد دي ويشوف ويحاسب ويوقف إللي سرقينها ونهبينها وممرمغينك في الوحل والطين ....
فيه ناس بيعملوا مظاهرات ومدونات ومعارضه أنا قلبي معاهم ....!!
مش كفايه تعاطفك معاهم .... لازم الكل يتحرك ويشارك ...!!

صعب قوي إللي أنت بتطلبه مني ....

أنا مورس عليا كم خداع وتزوير وغش وفساد ...خلاني في الحاله إللي أنت شايفه دي .... ماتولع في دماغ صاحبها ....!!

ما أنت صاحبها ...أنت متخيل يا شعب أن الناس إللي بتحكمك دي ...عندها ذرة ضمير أوخوف عليك ..... إنسي ياشعب ....إنسي ياشعب ....!!

عموماً أنا حبيت أطمئن عليك وأقولك في شعوب حالتها كانت زفت وميئوس منها ولكن أتحركت وفاقت وغيرت والآن عايشه عيشة بني آدميين ...مش عيشه طين زي إللي أنت عايشها ...!!!

عموماً شكراً وأحب أن أطمئنك أن ممكن تظن أني مدهول وأنني مقضيها نكت ...ولكن لا تقلق ....وحقلك حكمه...سألو الحق كنت فين والظلم طايح ومبهدل فينا .... ؟؟؟ قال لهم كنت بحفر في الأرض علشان أجيب الظلم من جذوره .... إحنا كده

برضه ...صابرين ...ساكتين ... ولكن حيجي اليوم إللي حتنور الدنيا كلها علي صحوتنا ...وعلي ثورتنا ...وأسأل التاريخ ....وفيه ناس مخلصه مني بتعمل في صمت والتغيير قادم
أنت كده ريحتني شويه ...بس أتحرك بسرعه منظرك بقي وحش قوي ....
لا تستعجل ..... كله بأوانه ....

ماشي

سلاموا عليكوا

وعليك السلام ....

مقال للمهندس هيثم أبوخليل صاحب مدونة متر الوطن بكام

السبت، 14 مارس 2009

no comment



محاذاة إلى الوسط











no comment


الأربعاء، 18 فبراير 2009

قال لها اركبي قالتلو حتدفع كام ؟

قال لها اركبي قالتلو حتدفع كام ؟
قال :اركبي ..
قالت : كم ستدفع ؟
قال : بعض نقائي ..
قالت : ماذا ؟!
قال : بعض صفائي ..
قالت : أنت تهذي ..
قال : بعض كرامتي ..
قالت :لا ..
قال : تعالي معي ولن تندمي..
قالت : ماذا لديك ..
قال : جرح عميق ..
قالت : جروحي أكثر ..
قال : وقلب كسير ..
قالت : كياني محطم
قال : وغاياتي بعيدة ..
قالت : غاياتي أن أستر لحمي .. ولكن .. ..
قال : هيا معي ..؟
قالت : إلى أين ؟
قال : إلى النور
قالت : الظلمة عالمي ..
قال : إلى الفضيلة ..
قالت : لا أعرفها ..
قال : إلى السكينة ..
قالت : صخب الرجال مهنتي ..
قال : اصعدي ..
قالت : أين بيتك ؟
قال : هناك .. حيث الشمس ..
قالت : إنها تحرقني ..
قال : حيث الطهارة ..
قالت : أنت تشتمني ..
قال : حيث البراءة ..
قالت : أرجوك .. لا تجرحني ..
قال : الغد ينتظرك ..
قالت : أنت تتوهم ..
قال : اخلعي رداء الليل ..
قالت : سأموت جوعا ..
قال : طعم الشرف سيملأ روحك ..
قالت : أخطائي وذنوبي ستتبعني ..
قال : نور الإيمان سيمحوها ..
قالت : أرجوك .. خذني معك
قال : إلى أين ؟
قالت : إلى عالم بلا رذيلة ..
قرأته فأعجبني أسلوب الحوارالهادئ الذي يأخذ بأيدي العاصين برفق وحب دون صخب وضجيج ،دون تجريح أو عتاب ، دون تأنيب أو انتقاص .. ليبعث بهم الثقة في رحمة رب العالمين ، وليعود بهم بحكمة المربي وبراعةالداعية ، ليدخلهم بهدوء إلى صروح الإيمان وبيوت الفضيلة
أخــــــوكـــــم
الــنــجــــم الـقـــــادم

الأربعاء، 4 فبراير 2009

دعوة للمشاركة معنا فى رابطة مدونون من أجل فلسطين

السلام عليكم ورحمة الله وبركاته


اخوانى الكرام زوار مدونتنا الكريمة

اتوجه بدعوتكم الى الانضمام معنا فى
يلا متردد ليه ادخل شارك معانا



مع تحياتى اخوكم


النجم القادم

الأمين العام لرابطة مدونون من أجل فلسطين


الخميس، 22 يناير 2009

وفاة جدة المدون النجم القادم



البقاء لله وحده



توفيت مساء اليوم الاربعاء21/1


جدة أخونا النجم القادم



وستشيع الجنازة ظهر غد الخميس 22/1



فندعو لفقيدتنا الغالية بالرحمة وأن يتغمدها الله



بواسع رحمته وان يرزقها الله بالفردوس الاعلى باذن الله



وندعو لاخونا الكريم بان يوفقه الله فى إمتحانه غداً الخميس



وندعو له ولاهله بان يرزقهم الله الصبر والسلوان .



للعزاء ايميل اخوانا الشخصي






ومن يريد موبايله الشخصى يترك لنا ايميله



وسوف نرسله له فى رسالة باذن الله



وجزاكم الله خيرا على المواساة



ولا اراكم الله مكروها فى عزيز لديكم



السلام عليكم ورحمة الله



أحد أصدقاء



النجم القادم

الخميس، 1 يناير 2009

بيان من أمين الاتحاد الحر بكلية التجارة بالبحيرة سابقاً

غزة رمز العزة

إيمانا منا بما يحدث لإخواننا في غزة من عدوان صهيوني غاشم

وفى ظل تواطؤ الحكومات العربية في نصرة إخواننا في غزة .

كان لابد لنا نحن طلاب جامعات مصر وشباب الأمة وأملها المشرق

بان نعلن رفضنا التام والكامل للعدوان الغاشم على إخواننا في غزة

والذي يستهدف الأبرياء والمنشات وقيادات المقاومة الشعبية

وحركة المقاومة الإسلامية حماس وكل حرآبى في أرض العزة غزة .

فلذلك تحركنا نحن معشر الطلاب بمختلف أطيافنا وتوجهاتنا

السياسية والفكرية من أجل نصرة إخواننا في غزة

ولكن إننا تعبنا من الكلام وقد حان وقد التنفيذ فقد نتوجه إليكم

بالوسائل العملية لنصرة إخواننا في غزة وهى :-

1- طاعة الله حتى لا تكون ذنوبنا عائق بيننا وبين تقبل دعواتنا

وحتى لا تكون ذنوبنا سببا من أسباب هذا العدوان الغاشم على أهلنا في غزة .

2- الدعاء " وَقالَ رَبُّكُمُ ادْعُونِي أَسْتَجِبْ لَكُمْ " الدعاء وصلاة القيام
والقنوت

في الصلوات من اجل إخواننا في غزة وصيام التطوع

والدعاء لإخواننا بان ينصرهم الله.

3- التبرع فعلينا جميعا بان نتبرع لأهلنا وإخواننا في غزة بالمال

من أجل نصرتهم وقد أعلنت لجنة الإغاثة الإنسانية بنقابة الأطباء

ولجان الإغاثة الإنسانية باتحاد الأطباء العرب بقبول التبرعات النقدية

والعينية بمقراتها وعلى حساباتها بالبنوك.

4- المقاطعة نعم فهو سلاحنا الذي نمتلكه من اجل محاربة

هذا العدو الصهيوني اللعين وحتى لا نشارك في ضرب إخواننا في غزة.

بشرائنا للمنتجات الإسرائيلية والأمريكية فلابد لنا من تنشيط دور

المقاطعة الشعبية الكاملة لكافة المنتجات الصهيوامريكية من أجل أهلنا في غزة.

5- نشر القضية الفلسطينية بين أهلنا وبين جموع الطلاب وفى كل مكان

ومن خلال رسائل sms أو رسائل الإيميل أو المشاركة في الحملات الشعبية

لفك الحصار أو المظاهرات الشعبية المنددة بالمجازر الإسرائيلية على إخواننا في غزة.

إخواننا الأفاضل بذلك ننصر إخواننا وأهلنا الكرام الأعزاء بغزة الكلام وحده

لا ينفع إنما كلام وفعل يؤدي لنصر كبير وعظيم بإذن الله.


وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ

أخـــــوكــــــــــم

أمين الاتحاد الحر بكلية التجارة سابقاً