السلام عليكم ورحمة الله وبركاته
اولا: انا لسه مدون ناشى وان شاء الله نتفاعل مع بعض
من خلال المدونة الصغنونة دى
ثانيا : هنتكلم باذن الله فى المدونة دى فى كل حاجه تخص
مصر من دين لانه اساس الحياة وسياسة وفن هادف
ورياضه اصلى اهلاوى صميم وفى كل حاجه تخص مصرنا
الحبيبة ومش هنخاف من حاجه ونتدخل فى كل حاجه تخصنا
ويلا ماهى خربت وان شاء الله تكون المدونه عند حسن
ظنكم بيها وان شاء الله هنتفاعل معها دائما وابدا
ثالثا : انا ادين بدين كبير الى اخى الكبير جمعاوى روش
طحن صاحب مدونة (فكك منى) لانه هو الا معلمنى التدوين
والصراحه بقالى يومين دوشه جدا من تليفونات وكلام لحد
ما المدونة تمت
فله اجر عند الله على ذلك ان شاء الله
وخلاص بقى علشان مدوشكوش من اولها ولنا لقاءات اخرى
من خلال مدونتكم إوعى تخاف
هناك 10 تعليقات:
السلام عليكم
نورت التدوين يا غالي
بس انت من سكة جمعاوي
مم
يبقى ربنا يستر
بس أكيد هتبقى راجل عسل كده برضه ان شاء الله
هديتي ليك المقال ده بما انك لسه بتبدأ
التعديلات التدوينية
لك تحيات أخوك
ودمت بكل خير
حاجه بس فنيه
يا ريت تلغي
Word Verification
اللي تحت التعليق
وربنا يجزيك خير
الباشا الكبيير
منور عالم التدوين يا نجم
و ربنا يجعل المدونة دى ف ميزان حسناتك
بس ياريت تظبط حاالك
إنت فاهمنى اكيد
انا موش بحب الاخوان المسلمين احيانا كاتجاه فكري و اجتماعي و احيانا كافراد
و ناس كتير كدة على فكرة
و مدونين كتير قوي موش بيحبوهم
يا ريتك تتعامل مع انتمائك للاخوان على انه عادي
موش تدافع في الصح و الغلط
لعلك تدي فكرة ظريفة عنهم
اتمنى لك التوفيق في بداية رحلتك التدوينية
اخى دكتور حر كم انا سعيد بزيارتك هذه لمدونتى وانا اشكرك على كلامك الرائع هذا وعلى التعديلات التدوينيه هذه وربنا يكرمنى واحققها وعلى فكرة جمعاوى ده اخويا الكبير وتلميذ اخى الاكبر فلا تقلق مش عاوز اقول انا العن منه بس ربنا يكرم وانا شاء الله هلغى word verification
لا مش مصدق نفسى اخويا جمعاوى شرفنى وشرف مدونتى ربنا يكرمك يا استاذى وان شاء الله هظبط حالى حاضر
استاذى ملك الكبده شرفنى زيارتك واعدك واعد كل من سيزور المدونة انها ستكون نبراسا للحق واننا كإخوان لا نقول كلام وخلاص ولكن افعال وندافع عن الحق فنحن وانتم للحق معا ندافع عنه وان تكون هذه المدونات فى ميزان حسناتنا واتمنى ان تتغير فكرتك عنا نحن الاخوان فى المستقبل وارجوا تكرار الزيارة
يا سيدي مافيش داعي لاستاذي و الجعلصة دي
طريها كلنا ولاد تسعة
يعني قوللي جلالة الملك على طول ماتعملشي تكليف
ههههههههه
بهرج طبعا
بانسبة للكلية اللي انت فيها
هل هي تنتمي لمجمع سوتر
اصل لو كدة هتبقى في الكلية و في النت
انا موش بحب الحصار الاخواني ده
عموما عايزك تتواصل بسرعة مع الاحداث الجارية
ربنا يوفقك
شكرا لك ملك الكبده وعلى فكرة انا مش بحب الكبدة وانا من الاخوان من زمان من وانا صغير من الاشبال وبعدين انا فى الكلية بقولك كنت ماسك امين الاتحادالحر انته شكلك مقرأتش الا عاوز يعرف عنى اكتر اقرأها وانته تعرفنى اكتر
السلام عليكم
مبارك يا فندم على المدونه
وربنا يجعلها فى ميزان حسنات حضرتك
إرسال تعليق