الأحد، 27 يوليو 2008

أجازة من كل شئ

السلام عليكم ورحمة الله وبركاته
أيوة بجد أنا وأخد أجازة من كل حاجة
فأنا الآن في الأتوبيس ذاهب لرحلة لمدة أسبوع
وأخدت أجازة من الشغل اي نعم صاحب الشغل رفض
وياعالم هيحصل أيه لما أرجع بس أنا أخدت أجازة حتي أستجم
وأعود من جديد النجم القادم علي حق
ففي هذه الفترة معلش هكون مقصر شوية في حق المدونة وفي حقكم
لأني هكون في البحر ومافيش نت في المكان فانا داخل نت من علي الموبايل
اي نعم هو ببلاش بس ممل جدآ هحكي لكم عن حكاية ببلاش
وأزاي لما أرجع بإذن الله فلذلك التمسوا لي العذر ودعواتك
أخوكم
النجم القادم

الأحد، 20 يوليو 2008

امرأة بالف راجل

يحكى زوج بعد نجاتة من غرق الباخرة قصة زوجتة ويقول

صرخ الجميع ان الباخرة تغرق وصرخت فيها هيا اخرجى فقالت لى لن اخرج حتى البس حجابى كامل فقولت لها هذا وقت حجاب اخرجى فاننا سنهلك فقالت والله لن اخرج حتى البس حجابى كامل فن موت اموت وانا فى طاعة الله فلبست وخرجت مع زوجهاوحتى ادرك الجميع انهم يغرقون قالت لزوجها استحلفك انت راضى عنى فبكى الزوج
فقالت اريد ان اسمعها منك فقال والله انى راضى عنك
فبكت المراة فقالت اشهد ان لا اله الا الله وان محمد رسول الله وظلت ترددها
حتى غرقت
فبكى الزوج وقال ارجو من الله ان يجمعنى بها فى الاخرة فى جنات النعيم
يا سبحان الله تغرق وهى محافظة على طاعة الله غير الكثير من النساء
التى اصبح عندهم الحجاب عادة وليس عبادة

نقلا عن احد المنتديات

أخــوكـــــــــم

الـنـجـــــم الـقــــــادم

الأحد، 13 يوليو 2008

بودى مات يا أحمد

السلام عليكم ورحمة الله وبركاته
البقاء لله وحده
*********
تحديث هام
********
ياجماعة الدعاء فاهله لايحتاجون الا الدعاء انا لسه جى من عندهم
والده فى حالة لايرثى عليها والدته فى عالم تانى بجد ربنا يصبرهم
ابوه عنده هستريا وامه قعدت اتكلمت معاها قاتلى ربنا مايكتبها على حد
يا احمد الموته وحشه اوى لما تشوفه غرقان فى دمه قدامك
وحكتلى انه كان حاسس وكل شويه يقولها انا عاوز اعمل اللى نفسى فيه
كان يفعل قبل موت بثلاثة ايام كل الاشياء التى يحبها
بجد ربنا يصبرك يا ابوه وانتى يا والدته ربنا مايكتبها على حد
==========================
بودى مات يا أحمد
ده الرد اللى سمعته من سارة
عندما علمت بخبر وجود حالة وفاة عند أحد أصدقائنا
حيث أننى مررت على أحد محلاتهم فوجدته مغلقاً
وعليه ورقة المحل مغلق لوفاة نجل صاحب المحل
أخذتنى الدهشة وأخرجت الموبايل من جيبى وإتصلت
الوووأيوة سارة خير فيه أيه ومكان الا رد واحد
بودى مات يا أحمد
أنا وقفت مكانى مندهشاً بودى مين فردت بودى أخويا وإنفتحت فى العياط
طب ازاى قوليلى قالتلى كنا عند تيته فى إسكندرية زى مابنروح كل جمعة
وبعدين قلنا نروح على البحر وبنعدى جرى بودى وقامت عربيه ضرباه
ومات فى الحال أنا فى هذا الوقت لم أتملك نفسى وبدات الدموع
تنهمر من عينى طب إنتوا عاوزين أى حاجه وقفلت وأنا لا أتمالك نفسى
فكان بودى إبن العشر سنين فكان فى المرحلة الابتدائية
هو ومحمد اخوه تقريبا توأم فكانت البسمة لاتفارقه دائما
فكنت كلما زهبت اليهم يقعد يهزر معايا ويقابلنى
عمو أحمد جه عمو أحمد جه وكنت أفرح جداً بيه
ولما أروح ومالقهوش أسأل عليه الحاجه أُمال بودى ومحمد فين
تقولى فى الشارع انت عارف بيبطلوا يا الكمبيوتر يا الشارع
ولما كان الكمبيوتر يحصل فيه حاجه يقولى تعالى شوف الكمبيوتر البايظ ده
ولما أروح يقعد يناكب فيا ويهزر معايا هو ومحمد أخوه
وآخر مره كنت عندهم فى المحل كان بياكل كشرى وقعت أهزر أنا وهو
وكنت بركبلهم كاسيت للمحل قعد يهزر معايا ويقلعلى الحاجه اللى بركبها
افتكر أيه ولا أيه كفايه الإبتسامه الحلوة اللى ماكنتش بتفارق وجهه
كفاية مش قادر بجد أكتب حاجه مش قادر أعصابى خلاص
حقاً الموت يأتى بغته مافيش كبير ولا صغير
البوست الماضى الدكتور المسيرى والبوست هذا بودى ابن العاشرة من عمره
جماعة مش طالب منك حاجه الا أن تدعوه له بالفردوس الأعلى مع الأبرار
وأن تدعوا لأمه وأبوه وأخواته ولنا جميعا بالصبر والسلوان
ربنا يصبرنا على فراقك يا بودى
أخـــــــوكــــــــم
الـنـجـــــــــم الـقــــــــــــــادم

الاثنين، 7 يوليو 2008

بالصور دمنهور تشيع جثمان الدكتور المسيرى


في مشهد مهيب وبمشاعر يلفها الحزن والأسى
شيع من مسجد التوبة عصر يوم الخميس الماضى
جنازة العالم المفكرالاسلامى الدكتور عبد الوهاب المسيري
بعد أن وافته المنية فجر يوم الخميس بمستشفى فلسطين
عن عمر يناهز السبعين عاما بعد صراع مرير مع المرض.
وشارك في تشييع الجنازة اسرة الفقيد والاستاذ محمد سويدان
مسئول المكتب الادارى للاخوان بالبحيرة والفنان عبد العزيز مخيون
ود .محمد جمال حشمت وم.ابو العلا ماضي ود.يحي القزاز
والشاعر عبد الرحمن يوسف والنائب حسين ابراهيم
نائب رئيس كتلة الاخوان بمجلس الشعب والنواب د.حمدي حسن
ود.عبد الحميد زغلول وعبد الوهاب الديب ود.مجدي قرقر
ود.عبد الجليل مصطفي القائم باعمال حركة كفاية
ود.عادل العطار امين كفاية بالبحيرة وحشد غفير من قيادات الاخوان
والعمل الوطنى بالمحافظة وفى غياب رسمى وحكومى
والآن اترككم مع صور الجنازة بدمنهور سائلين المولى عزوجل
ان يتغمد الفقيد بالرحمة ويلهم اهله الصبر والسلوان



الدكتور محمد جمال حشمت
م/على عبدالفتاح
اهالى البحيرة فى انتظار وصول الجثمان
م/على عبدالفتاح و م/محسن القويعى احدقيادات بالمحافظة
د.مجدى قرقر
الفنان عبدالعزيز مخيون فى انتظار وصول الجثمان
الدكتور عادل العطار امين كفاية بالبحيرة
لحظة وصول اهل الدكتور المسيرى من القاهرة
لحظة وصول جثمان الدكتور عبدالوهاب

الدكتور عبدالوهاب عند وضعه فى النعشصلاة الجنازة على الدكتور عبدالوهاب المسيرى
اعداد غفيرة من المصلين
لحظة خروج الجثمان من مسجد التوبة الاهالى يتزاحمون على حمل النعش
جانب من الاعداد الغفيرة المشاركة فى الجنازة

الدكتور حمدى حسن يشارك فى الجنازة


فى الطريق للمقابر

اعداد كبيرة من اهالى البحيرة تودع الدكتور المسيرى


لحظة الوصول بالجثمان للمقابر


ومشاركة نسائية فى تشيع الجثمان

م/خالد القمحاوى يلقى كلمة على المقابر


الاستاذ محمد سويدان مسئول المكتب الادارى للاخوان بالبحيرة

اهالى البحيرة منصتين لكلمة م/خالد القمحاوى

تواجد اعلامى كبير لتغطية مراسم العزاء


الشاعر عبدالرحمن يوسف يشارك فى الجنازة


الفنان عبدالعزيز مخيون ومشاركته فى تشيع الجنازة



م/خالد يدعو للفقيد بالرحمة و المغفرة

د.حسين ابراهيم يشارك فى الدعاء للفقيد
اهالى البحيرة يدعون للفقيد بالرحمة والمغفرة والفردوس الاعلى


لحظة وضع فقيدنا الغالى فى قبره
الدكتور جمال حشمت يشارك فى تلقى العزاء
الدكتور جمال حشمت والاستاذ عبدالله المسيرى يتلقيان العزاء

م/اسامة سليمان احد قيادات المحافظة يؤدى واجب العزاء

جانب من العزاء
الحاج عبدالحميد شكر احد مرشحى الاخوان فى مجلس الشعب

الدكتور حسين ابراهيم عضو مجلس الشعب


الاستاذ ايهاب السيد الامين العام لنقابة المحامين بالبحيرة سابقا


وجانب من المعزين يقدمون واجب العزاء


الاستاذ عبدالله المسيرى يتحدث عن حياة الدكتورالمسيرى


مشاركة واسعة من قيادات كفاية والعمل الوطنى بمصر


مشاركة نسائية فعالة فى الجنازة


شقيقة الدكتور المسيرى تدلى بتصريحات صحفية عن كفاح المسيرى

اخت الدكتور المسيرى تشارك فى تشيع جنازته


اهل الدكتور المسيرى يدعون له ونحن معهم بالرحمة والمعفرة

ده فيديو العزاء نقلاً عن موقع نافذة مصر



ده موقع الدكتور عبدالوهاب المسيرى
تجدون فيه كل كتبه ومؤلفاته

http://www.elmessiri.com/


من مكان العزاء نقلها لكم
أخــــوكــــم
الـنـجـــــم الـقـــــــادم

السبت، 5 يوليو 2008

اللى ضحى لأجل وطنه



دى أغنية عمرو دياب فى فرح جمال مبارك


الكل هيقولى انت لسه فاكر بس والله انا لما سمعتها بجد


لا تعليق فقلت اسمعها للى مسمعهاش وطبعا عاوز تعليق


هههههههههههههههه قال ايه


اللى ضحى لأجل وطنه


للإستماع والتحميل من اليوتيوب


للتحميل فقط هنا



أخـــــــــــــــوكــم



الـنــجــــــم الـقــــــــــــادم