أخوكم النجم زى ما انتوا عارفين ايه
شغال فى مجال الكمبيوتر والانترنت والدى اس ال
أخوكم كان فى زيارة سريعة كده للشركات إلا شغاله فى مجالنا
نزلت الاسكندرية ورحت خلصت شغلى وبعدين ايه يابنى رايح على فين دلوقتى
قلت اروح دمنهور فيها وكيل لنا هناك
بعدين اخوكم مش وش بهدلة رحت على الابراهمية أركب سوبر جيت
فرايت مالم أراه من قبل العشرات من الطلاب
ماسكين بلطوا ابيض فى ايدهم وكتب جاين ياعينى من كلياتهم
ومروحين بعد معاناه طول اليوم من سكاشن ومحاضرات
ودكاتره مطلعه عينهم طول النهار وقفت معاهم استنى الاتوبيس
فاجأة أتى اتوبيس وببص مالقيتش نفسى كنت هنداس تحت الاقدام
لولى ستر ربنا الكل بيجرى على الاتوبيس أخوكم الصراحة
وبدون حلفان خاف مع انى بقولكم
إوعى تخاف
ولكن فى الشدة ممكن تخاف المهم أخوكم ركب
وايه زنقة وكأننا فى علبة سردين على رأى احد الركاب
وبعدين رحت دمنهور المدينة التى اعرف منها الكثير
من اصدقائى وبعض معارفى واقاربى
المهم خلصت شغلى وقلت اروح ازور احد اقاربى
وبعدين بعد معاناه نتكلم عنها فيما بعد
قلت اروح بقى الواحد اتهلك طول النهار
بقى اخوكم تعبان قلت تاكسى تحت الكوبرى العلوى
قالى اركب يابشمهندس اصلى كنت ماسك شنطة مهندس بقى
ورحت على الموقف فوجدت مالم تحمد عقباه فقد وجدت الموقف
"خاوية على عروشها" كما فى الصورة
.jpg)
فسألت واحد لو سمحت هو الموقف راح فين
قالى ايه ياعم انته مش عايش فى الدنيا ولا ايه
ده اتنقل بره البلد منهم لله
هم مين انا مش عارف ولو حد عارف يدعى عليهم فى سره
المهم قالى استنى الاتوبس فوجدت ناس كتييييييييييييير
وقفه مستنيه قلت اقف فأتى الاتوبيس
فوجدت الناس راحت جارية عليه فوجدت الاتوبيس
تحول الى ما نراه فى الصورة
.jpg)
مرة واحده قلت لنفسى طب كده انته هتتأخر
تعمل ايه قلت يلا اركب تاكسى هه
ورحت منادى تاكسى الموقف
فراح بصصلى حته بصه انا قلت انا شتمته
وراح قيلى ياراجل حرام عليك
وبعدين بعد طول انتظار وتليفونات من البيت والشركة
قلت مافيش فايده اركب تاكسى تانى
الموقف قالى هتدفع كام ياهندسة قلت له الا انته عاوزه
قالى خمسايه حلوه معاك قلت يلا امرى لله حكم الطر بقى
ورحت الموقف فوجدت ايه كل دى ناس
يانهار محمحى على بحلقى كمان
المهم سالت على موقفنا ورحت راكب
بعد بهدلة يصعب عليا حكايتها تانى
ومقدرتش اصور الصراحه خفت مركبش
والموبايل ممكن يتعلق منى فى الزحمة دى
المهم رحت راكب ولسان حالى يقول
لكم الله ياشعب دمنهور
وكفايه كده انا عارف انى دوشتكم السلام عليكم ورحمة الله وبركاته
هناك 10 تعليقات:
هههههههههه
هو انت وقعت في الفصل ده؟
والله يا عم الحاج الموقف ده حلو بس كان عاوز اعداد اكبر من كده بكتير
امال بقى لو روحت بصيت على المزلقان
وبعدين مش كنت تسأل الاول
الله يعزك يارب حبيبي
الله ينور ياباشا
بوركتم
ولكم منا تحيه
والسلام مسك الختام
السلام عليكم
استاذ اوعى تخاف
انا مش هخاف باذن الله
بس حضرتك ماينفعش تخاف
علشان الخوف مش فى مدونه اوعى تخاف
ربنا يعزك ويزيدك من فضله
هو الصور الى حضرتك وريتهالنا دى كده تبقى زحمه
غريبه اومال اللى بنشوفها هنا تبقى ايه
يلا لنا الله كلنا على ارض مصر والاراضى العربيه
حضرتك ممكن تساعدنى انا فيه مشكله كنت قريتها ع النت لاسره من مدينه دمنهور
بجدادمت قلبى لو حضرتك تعرف حد من دمنهور اى اخت ممكن تساعدنى ياريت تقولى لانى عايزة اتاكد من المعلومات بتاعه الاسره دى علشان اقدر اشوف نعملها ايه
جزاك الله خيرا
عارفه انى من اول زياره بتقل على حضرتك بس من عشمنا وجزاك الله خيرا
السلام عليكم قائد باشا والله منور ياأخوانجى باشا ومرحباً بك فى مدونتك الثانية اوعى تخاف وعاوزك كده تكون متابع جيد معى
اختى الفاضلة عاشقة الفردوس
اهلا ومرحباً بيكى فى مدونتك
والله انا مش خايف
وانتى ياريت متكونيش خايفة
وعاملة ايه فى الامتحانات
ومتقلقيش من انك بتقلى عليا
لا تحت امرك
بس ياريت متكونش
اخر زيارة للمدونة
وبالنسبة اموضوع الاسرة
الا من دمنهور انا اعرف ناس كتير من دمنهور وممكن اكلمهملك
فى الا انتى عاوزاه
اطلبى بس واحنا ننفذ
واختى ايضا تعرف اخوات من دمنهور انتظر منكى الرد اوك السلام عليكم
طبع أنا قلت لك رأيى ف أخر مكالمة بينا
سلامات يا نجم
عندى مذاكرة بحته
استاذنا الفاضل جمعاوى باشا مطحون من الامتحانات كان الله فى العون استاذنا وربنا يكرمك فى البحته يااااااااااااارب وخلينا نسمع صوتك كده على طول
هقولك كده حاجه من وجهه نظرى الصغيرة
اولا العيب فينا فى موضوع المواصلات ايه يعنى لما نطلع بدرى شويه او نستنى اللى بعده علشان منشوفش المنظر اللى انت نقلته ده ثانيا نقل الموقف من المدينه لخارجها بيكون افضل لان بتبعد الزحمه شويه غير كده انت مش عارف الموقف لما يكون فى قلب بلد وبنات وستات رايحه جايه عليه من غير ما يكونوا هيسافروا ايه المواقف اللى بيتعرضوا لها
اختى الفاضلة
appy
-----
والله هى وجهة نظرك مش بطالة بس على فكرة موضوع اننا ننتظر الاتوبيس الا بعده يبقى احنا مش هنركب فى سنتنا دى وبالنسبة لموضوع ان نقل الموقف خارج البلد شى حلو بس مش فى مدينة زى دمنهور مع احترامى لها ولكن دى بلد مستهلك وليست ببلد منتج يعنى مافيش مصانع ولا شركات انتجاج جوه البلد ولا بره علشان ننقل الموقف علشان الزحمة والله الزحمة كترت دلوقتى بعد نقل الموقف وتحياتى لحضرتك
ياعم بلاش كلام فارغ ثم ان الصورة دى مش من دمنهور لان دى مش اتوبيسات دمنهور ثم ان الموقف موفر جميع المواصلات وبكل سهولة تقدر تروح اى مكان انته عاوزة
يعنى بلاش تـــــــــحـــــــور
مــاشــى ياعــــم الامـــــــــور
إرسال تعليق