حوار بين طالبين

السلام عليكم ورحمة الله وبركاته

الموضوع ده خطر فى بالى وأنا قاعد بذاكر كده ماهو الواحد

برضه فى وسط المذاكرة لأزم يفك عن نفسه لا يحصل له حاجه

فخطر فى بالى الحوار ده فقلت أعرضه عليكم لأعرف رايكم
حوار بين طالب متفوق والآخر فاشل ويحاول أن يكون منحرف
الطالب الفاشل لابس لبس فرفور ومقطع

زى لبس الشباب بتاع اليومين دول وياتى متهكعا
الفاشل : إنته ياكابتن
المتفوق : فى إستغراب أنا!!!!
الفاشل: أيوة إنته أيه مالك
المتفوق : نعم ماليش
الفاشل :إنته بقى البريمو؟؟؟
المتفوق :بريمو!!!!!!!
الفاشل :أيوة يعنى الواد المخلص إنته بقى اللى بتلملى الطلاب حواليك
المتفوق :أنا مش فاهم حضرتك عاوز أيه؟؟
الفاشل :مش فاهم أيه يا أخويا إنته هتعيش عليا الدور
المتفوق : أعيش عليك الدور !!!! أنا مش عارف حضرتك تقصد أيه؟؟
الفاشل :إنته بقى اللى بيقولوا عليه الأول على الكلية
المتفوق :آآآآآآآآآآآآآآآآآآآآه أيوة أنا أول الدفعة
الفاشل :يا راجل ازاى إنته الأول تعالى قولى
المتفوق :زى الناس أنا واحد بيذاكر وبيجتهد فليه مكونش الأول؟؟
الفاشل :بى أيه بتذاكر تعرف إن الكلمة دى

مسمعتهاش من زمان بتذاكر ازاى بقى ؟؟
المتفوق :أيه اللى بذاكر ازاى بذاكر زى كل الناس اللى بتذاكر من الكتاب
الفاشل :كتاب يالهوى هو إحنا عندنا كتاب
المتفوق :آه فى كل مادة
الفاشل :وإنته بقى بتجيب الكتب دى منين

قولى متخفش ليك ناس بيجبهالك صح قولى
المتفوق :لا ياعم إنته أنا بشتريها من كشك الكتب
الفاشل :فين يابنى الكشك ده
المتفوق :أهوت ياعمنا فى الساحة هناك
الفاشل :ياراجل تصدق أنا مفكر إن ده بيبيع سندوتشات

لانى بشوف الناس زحمة عليه
المتفوق :لا هناك فيه كتب لكل مادة
الفاشل :طب قولى إنته بتاخد دروس خصوصية صح
المتفوق : لاياعمنا انا بذاكر وبراعى ربنا فى المذاكرة علشان كده

ربنا بيكرمنى وبيحبنى ولما ربنا بيحب حد بيحبب فيه خلقه

ويوسع له فى رزقه ويرزقه من حيث لايدرى ويوفقه فى دراسته
الفاشل :ونعم بالله هو إحنا قلنا حاجه إنته هتعملى فيها شيخ
المتفوق :طب ماتحاول تذاكر وتحضر محاضرات

وترضى ربنا وهو هيكرمك وتنجح وتبقى طالب متفوق
الفاشل :ياراجل محاضرات أيه بس أمال المزز دول يروحوا فين

لما إحنا نروح نحضر محاضرات سيبك إنته وتعالى

نشوفلك حته معانا إسمع كلامى بس وأنا هظبطك
المتفوق :لا شكر ياعم الف شكر السلام عليكم

إنتهى الحوار كده بس إنتوا عرفتوا أنا عامله ليه

علشان أعرف رايكم العسل ده فيا أنفع أكتب ولا أروح أنام

دعواتكم الله يكرمكم فنحن الآن فى أحوج وقت لدعائكم

فكــرة وتنفيـــــذ

أخـــــــوكــــــــــــــم

الـنـجـــــم الـقــــــادم