هبدأ امتحاناتى غداً الآثنين دعوااااااااااتكم

السلام عليكم ورحمة الله وبركاته

*************************

تحديث ثالث مادة

************************

امضيت اليوم امتحاناً لم يكن له مثيل امتحان باسم الله ماشاء الله طول بالغ جداً وصعوبة مافيش بعد كده او علشان فيه ناس كانوا بيقولوا انه مش صعب خلينا نقول عليه رخم رخامة من بتاعت ......... يلا الحمد لله اهى مادة وخلاص المهم عندى يوم الاتنين احصاء وصفى الدكتور بسم الله ماشاء الله خبط تجارة اسكندرية النهاردة امتحان الاحصاء متقوليش فدعواااااااااااااااااااااااااااااااااااتكم

****************************

تحديث ثانى مادة

===================

امتحنت اليوم الاربعاء ثانى مادة والحمدلله عدت على خير والامتحان كان سهل بس طويل وهذا ماهو ملحوظ فى اغلبية امتحانات هذا العام الطول البالغ مما يؤدى الى عدم القدرة على حل الاسئلة كلها ويدخل دكتور يتعطف علينا بعشر او خمس دقايق طب متظبطوا الامتحان على قد الوقت من الاول حسبنا الله ونعم الوكيل دعوااااااااااتكم عندى تسويق المادة اللى جاية والدكتور بتاعها على طول قرفان من نفسة بيقولك ازاى تسوق السلعة المنتجة هو احنا لسمح الله بننتج أساساًعلشان نسوق ممكن تقولى نسؤء مش نسوق يلا حصل خير دعوااااااااااتكم

********************

تحديث أول مادة

===============

امتحنت أمس الاثنين أول مادة والحمدلله اخوكم النجم سيطرة بس الامتحان كان طويل جدا لدرجة انهم اعطونا عشر دقايق اضافى بعد الوقت لما خلص من طول الامتحان بس الحمد لله حليت حلو دعوتكم بكرة عندى علوم سياسية الله يخرب بيت السياسة وعالم السياسة قولوا آآآآآآآآآآآآآآآآآآآآآآآمين

***************************************

اخوانى الكرام زوار مدونتى أشكركم على الزيارة الجميلة

وأتوجه اليكم لأطلب منكم الدعاء لى فإننى سوف ابدأ

امتحاناتى غداًُ الآثنين فى تمام الساعة الخامسة مساءاً

محدش يستغرب ايوة حفلة منتصف النهار من الساعة 5 الى الساعة 7

فأناعاوز الدعاء يبقى للركب نسيت أقولكم أنا همتحن أيام أيه

انا همتحن غداً الآثنين وبعدين الآربعاء وبعدين

السبت وبعدين الآثنين وبعدين الآربعاء وبعدين السبت

وخلاص أخلص امتحانات وأفوق لكم علشان أرجع أرزل عليكم تانى

شوفتوا بقى الكلام خدنى ازاى ونسيت أقولكم إن فى نفس أيامى

بيمتحن أخويا الجمعاوى الأصيل وأختنا دعوة الفردوس

بس من الساعة 2 الى الساعة 4 ادعولهم هم كمان دول ناس

فى سنة رابعة وعاوزين ربنا يوفقهم ويخلصوا ادعولهم جامد

أصل الدكتورة نشوى مسمتش عليهم امبارح والامتحان كان وحش أوى

يلا أي خدمة ياعم الجمعاوى و أختنا دعوة

فيا اخوانى الكرام بالله عليك لاتبخلوا علينا بالدعاء فنحن فى أحوج

الآوقات نحتاج وقوفكم جنبنا لكى تدعوا لنا اللهم وفقنا جميعاً اللهم آمين

وفى نهاية كلامى أقول لكل زوار مدونتى الآعزاء الأخوة والأخوات

يامن تحلى الحياة بكم إنى فى الله أحبكم وده أقل شئ ممكن أقوله لكم

أخـــــوكـــــــم

الـنـجــــم الـقــــــادم

الغلام والمعلم قصة جميلة

السلام عليكم ورحمة الله وبركاته

الاسـئـلـة الثــلاثــة
كان هناك غلام ارسل الى بلاد بعيده
للدراسة وظل هناك بضعا من الزمن..
ذهب بعد عودته الى أهله ليطلب
منهم ان يحضروا له معلم ديني
ليجيب على ثلاثة اسئلة تحيره
ثم أخيرا وجدوا له معلم ديني مسلم
ودار بينهما الحوار التالي:
الغلام: من انت ؟ وهل تستطيع الاجابه على اسئلتي الثلاث؟
المعلم: انا عبد من عباد الله وسأجيب على اسئلتك باذن الله
الغلام: هل انت متأكد؟ الكثير من الأطباء والعلماء قبلك

لم يستطيعوا الاجابة على اسئلتي
المعلم: ساحاول جهدي..وبعون من الله
الغلام: لدي 3 أسئلة:
1-
هل الله موجود فعلا؟ واذا كان كذلك ارني شكله
2-
ماهو القضاء والقدر؟
3-

اذا كان الشيطان مخلوقا من نار..فلماذا يلقى فيها بعد ذلك

وهي لن تؤثر فيه ؟
صفع المعلم الغلام صفعة قوية على وجهه
فقال الغلام وهو يتألم: لماذا صفعتني؟

وما الذي جعلك تغضب مني؟
أجاب المعلم: لست غاضبا وانما الصفعة هي الاجابة

على أسئلتك الثلاث
الغلام: ولكني لم أفهم شيئا
المعلم: ماذا تشعر بعد ان صفعتك؟
الغلام: بالطبع اشعر بالالم
المعلم: اذا هل تعتقد ان هذا الالم موجود؟
الغلام: نعم
المعلم: ارني شكله؟
الغلام: لا أستطيع
المعلم: هذا هو جوابي الاول..كلنا نشعر بوجود الله

ولكن لا نستطيع رؤيته
ثم اضاف: هل حلمت البارحه باني
سوف أصفعك ؟
الغلام: لا
المعلم: هل خطر ببالك اني سأصفعك اليوم ؟
الغلام: لا
المعلم: هذا هو القضاء والقدر
ثم اضاف: يدي التي صفعتك بها مما خلقت ؟
الغلام: من طين
المعلم: وماذا عن وجهك ؟
الغلام: من طين
المعلم: ماذا تشعر بعد ان صفعتك؟
الغلام: اشعر بالالم
المعلم: تماما فبالرغم من ان الشيطان مخلوق من نار

ولكن اذا شاء الله فستكون النار مكانا اليما للشيطان

هذا المقال منقول من أحد المنتديات

هذا هو آخر مقال قبل الامتحانات الإ لو حدث جديد

دعواتكم امتحاناتى الآثنين القادم 26/5

أخــــــــــــــوكـــــــــم

الـنــــجـــم الــقـــــــــــــادم

أجمل يوم فى حياتى .... خطوبة النجم القادم

السلام عليكم ورحمة الله وبركاته

إنه فى يوم الجمعة الماضى قد تجمع الأحبة والأهل والأصدقاء والجيران

فى حدث سعيد وهو حفل خطوبة النـجـم الـقــادم

وكانت البسمة واضحة على كل الحاضرين فقد فعل مايخاف فعله الآخرين

أوالأجدر نقول الذى يتمنى فعله الآخرين حيث تقدم النجم القادم بخطبة

بنت الحلال وقد عقد العُرس فى أفخم قاعات المناسبات الموجودة بدمنهور

وحضر الحفل كلاً من الأهل والأحباب والأصدقاء والجيران والصحبة الحلوة

وكل المدونين الأحرار وقد توافد كبار قيادات الإخوان المسلمين بالبحيرة

لحضور الحفل وتقديم التهنئة للعريس وكان فى مقدمتهم

الحاج محمد سويدان مسئول الإخوان المسلمين بالبحيرة

والذى يحب النجم بقوة ويشجعه على عمله الدعوى وأيضاً حضر

الدكتور محمد جمال حشمت القيادى البارز بالإخوان المسلمين

وعضو مجلس الشعب السابق وعدد كبير من قيادات الإخوان بالمحافظة

فى جو تملئه المحبة والآلفة بين الأهل والأحباب والحاضرين

وقد أحي الحفل كبار المنشدين والقى كلاً من قيادات الإخوان المسلمين كلمة

تهنئة للعروسين اللى كانوا أجمل عروسين فى الدنيا وكان النجم القادم

نجما على حق وكان عُرساً جميلاً نتمنى أن يملأ الفرح بيوتنا

وأن يزوج الله شباباً وأن يهديهم الى سبل الرشاد والهداية اللهم آمين

ولكن فى وسط الفرح حدث شيئاً لم يكن بالحسبان فقد آتت الحاجه

لكى تصحينى من النوم قائلة أصحى يا بنى الموبايل بيرن أنت مش

ظابط المنبه عندك كورس هتتأخر عليه أصحى بسرعة خلص هههههههه

فقمت والدهشة تملئنى وقلت لها ياليتكى ما اصحيتينى فكان حلماً ما أجمله

أترككم فى رعاية الله آمنه ومش عاوز شتيمه من حد

دعواتكم الله يكرمكم بقى علشان الإمتحانات 26/5
أخـــوكم

الـنـــجـــم الـقــــادم

مهرجان التاجات

التاج ده لازم اجواب عليه لانه اتمرر ليا من ناس غالين عليا

من اخويا صاحب مدونة قلب ابيض واختنا فاطمة صاحبة مدونة وحدى

فكان لابد نجاوب عليه

ما رأيك فى الجملة التى تقول

العزوبية تاج على رؤوس العزاب لا يراه الا المتزوجين؟

مين اللى قال كده انى ارى ان الزواج مش وحش

واسالونى انا اخويا خاطب واختى مخطوبة وشوفوا انتوا كمية الهدايا

اللى بتروح وتيجى والتورته والتليفونات وبس بقى انا كده هفضحهم

ما هى العوائق من وجهة نظرك التى تحول بين الشباب والزواج هذه الايام ؟؟؟
اولا زى اختنا فاطمة ماقالت ان المعيشة مش هى السبب الوحيدة
وغلاء الاسعار وانما الاختيار الانسب والافضل يعد من احد العوائق

حيث نجد ان الشباب يريد بنت جميلة وصغيرة فى السن وكلام من

هذا القبيل والبنت تريده فارس احلامها شعره اصفر وعنية خضرا
من استطاع منكم الباءة فليتزوج من لم يستطع فعليه بالصيام

من وجهة نظرك هل النكد موجود فى العزوبيه ام فى الزواج ؟ ولماذا ؟
النكد ده موجود فى كل حته صدقونى بجد

والله النكدى نكدى والفقر فقر هههههههههه

ما الحل من وجهة نظرك لمشكلة (( العزوبية )) فى مصر ؟؟
هو الحل اللى بيتردد وهو توفير فرص عمل للشباب لان الشباب

هيتجوز ويفتح بيت منين بابا هيتن يصرف عليه لحد امتى
لازم يكون فيه شغل ودخل حتى يقدر على الزواج فلابد من

توفير الشغل والسكن حتى يقدر على الزواج وطبعا قبل
كل ده الاستعداد النفسى والمعنوى للزواج

من وجهة نظرك ....هل للعزوبية مميزات وعيوب ؟؟؟
أيون كل شئ له مميزات وعيوب ومن مميزات العزوبيه زى

الكل مابيقول الحرية والانطلاق لكن نووووووو العيوب طبعا الزواج

وما احلاه وفترة الخطوبة وما اجمالها وبس بقى كده كويس

ما هو رأيك فى انشاء مدونة (( رابطة )) للعزاب من المدونين ؟؟؟
لا انا ضد هذا الشئ لاننا نسعى للقضاء عليه

أخيرا ....لمن تمرر هذا التاج ...على الأقل خمسة ؟؟؟

الجمعاوى الاصيل
استاذى جمعاوى روش طحن
قائد او عبدالله عزام مدونة اخوانجى

مهندس مصرى قرفان ربنا يرجعه بالسلامة

الاخت الفاضلة خديجة عبدالله

********************************************

تاج تانى يارب ارحمنا برحمتك تاج من الاخت فاطمة مدونة وحدى

لوأعطيتك ثلاث وردات من هم الثلاث الأشخاص اللى هتهديهم الورد اللى معاك ؟؟
ماما
جمعاوى روش طحن
خطبتى

لو أعطيتك ورقة بيها 3 سطوروقلت لك أكتب فيهم اللى أنت عيزه هتكتب إيه ؟؟
عاوز ربنا يكرمنى فى دراستى وحياتى وعملى ودعوتى ,,, وأطلب من ربنا حسن الخاتمة ,,,
عايز ربنا يخليلى ابويا وامى واخويا واختى وكل حبايبى الحلوين اللى زيكم
عايزة أشوف الدنيا كلها حلوة واشوف البلاد العربية محرره وتعلوها راية الاسلام

ما هو هدفك فى الحياة ؟؟
هدفى هو اعادة الخلافة الاسلامية وتحرير الاقصى

إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا ؟؟
ايوة اصدقها ليه لاننا خلينا وراء الكداب لغاية باب البيت ههههههههه

أجمل مقولة سمعتيها فى حياتك ؟؟
حاجات كتير قوى قوى
واكتر حاجة دايما واثقة فيها
ولاتحسبن الله غافلا عما يعمل الظالمون

من المغنى اللى بتحبه أوى و إيه أحلى أغنية ليه بتحبها ؟؟
مغنى لا والله انا بسمع اناشيد اسلامية
بس ممكن احب حمادة هلال
أكتر اغنية !!!! كل الاناشيد بحبها

غزة" تمثل لك إيه فى حياتك ؟؟"
فلسطين كلها على بعضها بلدى الثانى بعد مصــــــــر

أعطى لإنتمائك لوطنك درجة من مائة ؟؟
%200

لو تزوجت و أنجبت بنتين و ولدين أى الأسماء تختار لهم ؟؟
زى ماقلت قبل كده ان شاء الله هيكونوا محمد وعبدالرحمن وأمل والزهراء

غشيت فى أمتحان و انت صغير ؟؟
بلاش فضايح بقى هو فيه حد مابيغشش ويغشش

لو أتعرض عليك رشوة كبيرة و انت فى زنقة ماليه هتعمل إيه ؟؟

رشوة اعوز بالله من غضب الله هبلغ عن صاحبها ههههههههههه

قول 3 صفات ب 3 كلمات بس توصف بيهم شخصيتك ؟
والله بيقولوا عليا جدع وعصبي وانا بلعب كورة و ملتزم

اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟
اول مرتب قبضته جبتلهم فى البيت هريسه وانا جى من الشغل هههههههه

برضه بكلمة واحدة ايه اهم صفة عايزها في شريكة حياتك؟
ملتزمة وعارفه ربنا (أخت)

ايه المجال اللى غير دراستك وشايف نفسك فيه قوي ؟

الكمبيوتر

بتحب السفر؟
نووووو

طب دلوقتى حالا ايه المكان اللى نفسك تكون فيه ؟
الجنــــــــــــــــــــــــــــــة

تمرر التاج ده لمين ؟؟
لأصحاب المدونات دى والترتيب عشوائى على فكرة
جمعاوى روش طحن
الجمعاوى الاصيل
قلب ابيض
قلم رصاص
عمرو سلامة

حسام صوت الحرية
صلطح صطلح ياعم الحاج

عبدالله عزام او قائد مدونة اخوانجى

مهندس مصرى قرفان بس بيحب مصر
الدكتورة اجدع بنوته
الاخت عاشقة النقاب
الاخت عاشقة الفردوس
الاخت دعوة الفردوس
الاخت صانعة الحرية
الاخت سما الاسلام

الاخت خديجة عبدالله

الاخت الفاضلة منى مدونة احاسيس

********************************************

التاج التانى وبرضه من الاخت فاطمة مدونة وحدى

اذكر 10 اشياء عن نفسك؟

هقولهم فى نقط
ملتزم وبحب دينى ودعوتى
طيب جدا
سهل أتعصب من أقل حاجة بالذات وانا بلعب كورة
صدرى واسع ومش بزعل ولا بشيل من حد
بحب العيش باللحمة وطبعا المسقعة ومش بحب السمك المشوى
مابحرمش نفسى من حاجه
صحابى بيقولوا عليا دمى خفيف والحاجه بتقول عليا كده برضه
اللى فى ايدى مش ليا
خدوم جدا وبحب اخدم الناس واساعدهم
لعيب كورة

اختر 5 اشخاص تهدى لهم التاج؟
الجماعة اللى فوق بردو رخامة

فى النهاية

اعتذر عن عدم القدرة على متابعة المدونة والمدونات الاخرى باستمرار

بسبب انشغالى بالمذاكرة واطلب منكم جميعا الدعاء ليا امتحاناتى

هتبدأ 26/5 متنسوش عاوز الدعاء للركب يلا سلاموززز

أخـــــوكــــــم

الــنـــجـــــم الـقــــــادم