ترن ....ترن ....ترن ... ألو ....ألو ....ألو ...أيوه يافندم .... عايز مين .....
عايز الشعب .... أنت حضرتك طالب رقم كام ...
أنا طالب 7 أصفار
إحنا السنترال طلباتك إيه ....
عايز أكلم الشعب .....النمره بضربها ما بتردش هو الخط بتاعهم فيه حاجه ....؟؟؟
نمرتهم سليمه زي ماهيه 7 اصفار
طيب ليه مابيردش ...؟؟؟
أنت ما ينفعش تكلمه طوالي لازم إحنا نحولك علشان هو ما بنكشفش علي غرب ...!!
طيب حولني
بس خلي بالك هو بيتكلم بصعوبه ....!!
مش مهم ...عايز اسمع صوته
...واحشني ...نفسي أطمئن إنه عايش ....هو عامل إيه دلوقتي ...؟؟؟
مش مهم ...عايز اسمع صوته
...واحشني ...نفسي أطمئن إنه عايش ....هو عامل إيه دلوقتي ...؟؟؟
والله حالته مش ولابد ...من بعد ما عطوله دوا غلط ...والبنج كمان كان زياده ودخل في غيبوبه إضطراريه ...عموماً هو بيعافر ولكن أنت أدري بعلاج اليومين دول بيجيب الأرض ...!!!
يعني الحاله صعبه قوي كده ... مش ممكن أسمع همسه حتي منه ...!!
والله أنت صعبت عليا ولازم أقول لك الحقيقه ....
خير .....
خير .....
البعده حاطينه في عزل ومانعين عنه الإتصال بأي حد .... ومكتفينه تكتيفه سودا ...علشان عارفين إنه لما حيصحي حيحصل إيه ..... دول حتي ملبسينه كمامه ...علشان ما يطلعش صوت النفس ....!!!
يا ساتر ....يارب .... هي وصلت لحد كده .... بقي كل ده يطلع منهم ...
هوالغلطان وهو إللي سلمهم دقنه بطيبته وسذاجته وسلبيته ....
لأه ...وفيه الأمر من كده ....
إيه تاني ....
حاجات فظيعه ... أستغلو الغيبوبه إللي هوه فيها .... وعاملين يمصوا في دمه ويبيعوا أعضائه للي يدفع أكثر ...
أرجوك أكلمه ولو دقيقه أنت كده وغوشتني عليه خالص ....
أرجوك أكلمه ولو دقيقه أنت كده وغوشتني عليه خالص ....
يا سيدي لسه واخد جرعة بنج كوره وبنج رقص وبنج هلس وبنج بحث عن لقمة العيش ...حتلاقيه نايم وهو بيكلمك ...
مش مهم أنا حفوقه ...
خلاص أنت حر ...بس 3 دقائق بس ....
خلاص أنت حر ...بس 3 دقائق بس ....
ماشي .....
ألو .... أيوه ياشعب .....
ألو .... أيوه ياشعب .....
أنت مين .....
أنا واحد بيحبك وخايف عليك ....
أنت أخبارك إيه ....؟؟؟
كويس ....وجهزت الأعلام ورسمت العلم علي وشي ورايح أتابع الدوري في الإستاد
بقلك أخبارك ...مش ألعابك ....
أنا رايح المصيف أبلبط في الميه ...بعد أن أخذت أسبوع أجازه من طابور العيش بالعافيه ....
أنا رايح المصيف أبلبط في الميه ...بعد أن أخذت أسبوع أجازه من طابور العيش بالعافيه ....
أنت مش فاهمني ... أحوالك ...ولادك .... مستقبلك ....
كله كويس وعملنا 100 أغنيه وطنيه علشان العيد الوطني للبتنجان المكبب ...
ياه ده أنت حالتك صعبه خالص ....
يا شعب ....أنت سامعني .....
أيوه سامعك ....
يا شعب ....أنت سامعني .....
أيوه سامعك ....
أنت عارف أن بلدك بتتباع بالمتر للي بيدفع أكتر .....وأن شبابك عاطل وبناتك عوانس ومصانعك قفلت وأرضك أتجرفت وخيرك أتنهب وفلوسك أتهربت ....
إيه الكلام الغم ده .... أنا ما ليش في السياسه ...!!!
طيب لو أنت مالكش في السياسه مين حيحافظ علي البلد دي ويشوف ويحاسب ويوقف إللي سرقينها ونهبينها وممرمغينك في الوحل والطين ....
فيه ناس بيعملوا مظاهرات ومدونات ومعارضه أنا قلبي معاهم ....!!
مش كفايه تعاطفك معاهم .... لازم الكل يتحرك ويشارك ...!!
إيه الكلام الغم ده .... أنا ما ليش في السياسه ...!!!
طيب لو أنت مالكش في السياسه مين حيحافظ علي البلد دي ويشوف ويحاسب ويوقف إللي سرقينها ونهبينها وممرمغينك في الوحل والطين ....
فيه ناس بيعملوا مظاهرات ومدونات ومعارضه أنا قلبي معاهم ....!!
مش كفايه تعاطفك معاهم .... لازم الكل يتحرك ويشارك ...!!
صعب قوي إللي أنت بتطلبه مني ....
أنا مورس عليا كم خداع وتزوير وغش وفساد ...خلاني في الحاله إللي أنت شايفه دي .... ماتولع في دماغ صاحبها ....!!
ما أنت صاحبها ...أنت متخيل يا شعب أن الناس إللي بتحكمك دي ...عندها ذرة ضمير أوخوف عليك ..... إنسي ياشعب ....إنسي ياشعب ....!!
عموماً أنا حبيت أطمئن عليك وأقولك في شعوب حالتها كانت زفت وميئوس منها ولكن أتحركت وفاقت وغيرت والآن عايشه عيشة بني آدميين ...مش عيشه طين زي إللي أنت عايشها ...!!!
عموماً شكراً وأحب أن أطمئنك أن ممكن تظن أني مدهول وأنني مقضيها نكت ...ولكن لا تقلق ....وحقلك حكمه...سألو الحق كنت فين والظلم طايح ومبهدل فينا .... ؟؟؟ قال لهم كنت بحفر في الأرض علشان أجيب الظلم من جذوره .... إحنا كده
برضه ...صابرين ...ساكتين ... ولكن حيجي اليوم إللي حتنور الدنيا كلها علي صحوتنا ...وعلي ثورتنا ...وأسأل التاريخ ....وفيه ناس مخلصه مني بتعمل في صمت والتغيير قادم
أنت كده ريحتني شويه ...بس أتحرك بسرعه منظرك بقي وحش قوي ....
لا تستعجل ..... كله بأوانه ....
أنت كده ريحتني شويه ...بس أتحرك بسرعه منظرك بقي وحش قوي ....
لا تستعجل ..... كله بأوانه ....
ماشي
سلاموا عليكوا
وعليك السلام ....
مقال للمهندس هيثم أبوخليل صاحب مدونة متر الوطن بكام
هناك 16 تعليقًا:
واثناء قراءتى لهذه الكلمات تذكرت الكثير
تذكرت مجدنا الذى كان
وبلدنا الذى لم تعد بلدنا
وهمتنا ونشاطنا وصحوتنا وجهادنا
تذكرت الاشياء التى قرأت عنها كثيرا ولم اجدها فى بلدى او فى شعب بلدى
شعب بلدى متى تفيق ؟؟
بجد حالته تقطع القلب
بس هنقول ايه
ربنا يقومه بالسلامه
انا النهارده ماشيه فى الشارع وامامى اتنين بتكلموا نفس النظام
واحد كان خايف على مصلحه المكان اللى بيشتغل فيه وبيشتكى انه مش عارف يعمل ايه ومش عارف يروح لمين ولما جه يشتكى لقى نفسه هيتضر ومافيش حاجه هتتحل
قال لصاحبه وانا مالى ماتولع باللى فيها
صعب اوى لما يكون اصحاب القرار بايعين
هيكون لينا مين يعنى؟؟؟؟؟؟؟؟؟؟؟
ربنا يخلص الايام دى على خير
مع انا مش باينلها نهايه
لو سالت عن شعبك
يبقى بتسال عن سرااااب
حزينه
بجد الكلام دة وانا بقرءة حسيت بمشاعر وحاجات كتيييير اوى.
قولت فعلا احنا نايمين والشعب مش حاسس بلى فية.
قولت لازم كلنا نقوم نعمل حاجة عشان الشعب يفوق.
عشان نعيش حياة حلوة فى ظل الدين الاسلامى المجيد.
اللى قالنا اننا لازم نكون ايد واحدة لما نكون كلنا تايهين.
مش عارفين نعمل اية عشان الناس بعدة عن الدين الاسلامى المجيد.
يااارب وفق كل المدونين يقدرو يعملو حاجة عشان نرجع بيها الشعب من غفلة..
السلام عليكم / سلمت أيها النجم وسلم المهندس وجزاكم عنا خيراً ، حسبنا الله ونعم الوكيل .
اختنا بنت الحرية جزاكى الله خيرا
احنا دورنا اننا نفوقه اختنا الكريمة
اختنا الكريمة bondoka
جزاكى الله خيرا على شرف الزيارة لنا
لينا ربنا اختنا وهيجبلنا حقا
بس احنا نعمل ونجتهد من اجل الاصلام وربنا هيعينا
اختنا حزينه ليه بس اختنا شعبنا ليس سراب انما هو شعب طيب ولكن هيفوق ويقول لا ان شاء الله
اختنا فدا الاسلام الدور مش على المدونين بس الشعب كله لابد له ان يفوق
ومن يتهيب صعود الجبال -- يعش ابد الدهر بين الحفر
اختنا الكريمة حياتى نغم بارك الله فيكى وحياكى الله
شارك في الحملة من أجل إطلاق سراح
المدون دكتور / توكل مسعود
بهذه المناسبة ادعوا كل الزوار الكرام بالدعاء للاخ الشعب المصرى ربما يكون قلبه تعبان متعرفش ربما تكون دماغة فيها مرض ما
ولكن سينفض لانتزاع حقوقة التى ضاعت
لان الفرسان لا تموت وانما تمرض
وحتما سيرجع الشعب ويهب من اجل حقوقة
والله بجد تسلم اديه على هذه الكلامات والتفكير على الرغم ان مفيش جديد فى المضمون
بس طريقه ممتاذه
ومسير الشعب جيله يوم ويتحك
تحياتى بطوووط
م / الحسينى ربنا يفرج عنا اخونا باذن الله تعالى
بحب كل الناس
بارك الله فيك اخى الكريم
وحقا لابد وان ينتفض الشعب يوماً
بطوووووووووط
جزاكى الله خيرا اختنا
إرسال تعليق