السلام عليكم ورحمة الله وبركاته
الحمد لله رب العالمين لقد خلصت الامتحانات بحلوها ومرها
وامتحان النهاردة يعنى كان حلو يجى منه الحمد لله
خلصت الامتحانات وقد ذهب حملاً ثقيلاً من عليا لأبدا فى طريقى
من جديد للعمل فارجع لشغلى وعملى وارجع لمدونتى والمدونات الصديقة
وارجع للصيف الجميل الحمدلله على كل شئ اللهم اكرمنا بكرمك
نقطة تانية اخوانى الاعزاء مش معنى اننا خلصنا اننا ننسى اخواننا
من الدعاء والناس بتوع الثانوية العامية ادعولهم الله يكرمك
وانتظرونى مع كتاباتى المتنوعة ومفاجات النجم القادم
وحواراته ومقابلاته وخلاص بقى الايام جيه
مع خالص تحياتى
الـنـجــــــم الــقـــــــــــادم
هناك 47 تعليقًا:
السلام عليكم ورحمة الله وبركاته
اخونا الفاضل : النجم القادم
مبارك عليكم انتهاء الامتحانات
علي خير والحمد لله وننتظر منكم كل
جديد باذن الله تعالي وموفقون دايما
تقبلوا مروروي
اختكم :Rima
ألف مبروووووووووووك يا نجم زمااانك
ورينا بقا شغلك يا باشا
مستنينك
اختنا ريما
=====
وعليكم السلام ورحمة الله وبركاته
جزاكى الله خيرا على الزيارة
ان شاء الله الجديد قادم دعواتك
تقبلنا مرور حضرتك بواسع صدرنا
اخوانى درش باشا
=========
الله يبارك فيك ياحبيبى
حاضر انتظر الجديد قريباً
كان نفسى أبقى اول تعليق
يلا خيرها فى غيرها
مبرووووووووووووووووووك على الانتهاء منا المعركه بالنصر ان شاء الله
محدش ينسنا من الدعاء ياناس الماده اللى جايه اخر ماده وأصعب وارخم ماده
ادعولنا
ربنا يعزكم
عقبالنا لما نخلص يااااااااااااارب
الف مبروووووووووووووووووووووك
اجازة سعيدة ان شاء الله
ولازم تغتنمها فى كل ما هو مفيد
ومستنين المواضيع والحوارات الجاية فى السكة
الحمد لله انك تلعت منها بخير "الامتحانات طبعا "
عاشقة الاقصى
=======
جزاكى الله خيرا على الزيارة
ولا يهمك انتى تؤمرى احنا نستأذن اختنا ريما ونعتبرك اول تعليق بس كده ياريتك تيجى فى حاجه كبيرة
الله يبارك فيكى ربنا يكرمك يارب
يلا بقى خلصى علشان تلحقى بمركب المخلصين امتحانات
ربنا يعزك يارب
الاخت بنت الحرية
==========
جزاكى الله خيرا على الزيارة
الله يبارك فيكى
باذن الله انتظروا الجديد فانه قادم
والحوارات انا لسه بظبط كده عاوز اعمل لكم حوار سقع
حبى
خلصت الامتحانات
ونزلت بقى فى الخلاط بتاع الدنيا ومشاكلها ربنا يعينك بس اوعى تنسى اخوك من الدعاء برده
وخلينا نشوفك
-----------
وصلطح صلطح ياعم الحاج
صلطح باشا
======
ازيك امان انتم السابقون ونحن خلاص لحقناكم
اللهم يكرمك يارب
ما انت عارف انى مطحون اساسا وهنزل من بكرة الشغل
وصلطح صلطح
صيف سعيد بإذن الله تعالي
ملئ بالطاعات
قريب من الله تعالي
نافع للغير
تحياتي لك
دكتور ايهاب
=======
جزاك الله خيرا على الزيارة دكتورنا الغالى
والف شكر على العاء الجميل ده
كفااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارة
حبيب قلبى جمعاوى
==========
كفارة ايه هو انا طالع من المعتقل
ماشى ياجميل ابقى خلينا نشوفك
ايه يابنى اللى انتا عامله فى نفسك ده
ياريتنى ارجع لايام الامتحانات تانى
يااااااااااارب
الايام بتاعه الامتحانات احسن من ايام الاجازه حتى
اخى الفاضل
اختى الفاضلة
عضو اتحاد المدونين المصريين
انصحك بالتواصل مع موضوع لحمايتك مما
قد يوقعك تحت طائلة القانون ونحن نعمل
لمصلحتك وحمايتك ..
فى انتظارك بمدونة الاتحاد ولك كل الشكر
نعمل من اجلك ولوجه الله
-----
الحمد لله
النجم خلص
انت كنت عامل لنا قلق
مستنيين النتيجه بقى
ربنا يوفق
تحياتى
حسام يحي
=====
عامل ايه ياض عامل عمل هههههههههه
ارجع يا اخويا انت مافيش حد مننا مستعد يرجعلها
اتحاد المدونين المصريين
=============
جزاكم الله خيرا على الزيارة
وعلى القوانين الرائعة دى ربنا يبارك فيكم
الاخت منى
====
الحمد لله خلصت
ايوة كنت عامل قلق هو انا اى حد هههههههههه
ربنا يعزك يارب وافتكرى النتيجة بقى على 15/8
ربنا يكرمك يارب
مبروك ياريس
مسنتي زيارتك لمدونة ميخا في شكلها الجديد
مبارك
وعقبالنا
ممكن تيجى تشوف شغلنا فى مادة واحدة
بكل المواد بتاعتكو
ال شخابيط والوان
هههههه
ربنا يوفقك
وتكون دايما واجه طيبه
الجمعاوى الاصيل حبيب قلبى
===============
الله يبارك فيك ياريس وعقبالنا لما نصل لاربعة
وعقبالك لما نيجى عزومة النتيجة
ياباشا انت تؤمر انا فى ميخا
الاخت شيماء سمير
=========
الله يبارك فيكى وبلاش مبارك الله يكرمك انا كرهت الاسم ده
ربنا يعزك يارب
ايون شويه الوان وشخابيط وتقولولى فن
ههههههههههههه ايقون بيطلع لسانه فرحان
الله يكرمك يارب
وبعدين انتى شيفانى وجهة محل بتقوليلى وجة طيبة
سلام عليكم
أنا محمد الليثي
مبروك علينا جمبعاً يا باشا وربنا يستر وننجح السنادي
أنا مش عارف الدكاترة بيعملوا فينا كدة ليه
يلا جزاكم الله خيراً
محمد الليثى
=======
وعليكم السلام
ازيك ياجميل وحشنى موت عامل ايه
ربنا يكرمك يارب
ويلا نعمل ايه بقى الدكاترة حسبنا الله ونعم الوكيل
وابقى عدى عليا فى الشركة انا عاوزك
ازيك يانجم النجووم
بجد سامحنى كنت مخنوقة اليومين اللى فاتوا
بجد مفتقدينك
عملنا مدونة حدث دة لينكها
ادخلها وادخل التاريخ
http://darbetshamss.blogspot.com/
ابعت اللينك لكل الى تعرفهم
بيس
دعاء مواجهات
========
اهلا اهلا اهلا اهلا
فينك وفين مواجهاتك ههههههههه
نورتى بيتك ومطرحتك
ماشى بس انتى لازم تجيبى هدية علشان مزعلش خلاص
حاضر هبعتها للناس
وبعدين ايه ادخلها وادخل التاريخ موسوعة جينس للارقام القياسية هى ولا ايه اه نسيتى دى تبع دعاء مواجهات
هههههههههههههههههههه
خلينا نشوفك دائما
الف مبروك ياصاحبى على الانتهاء من فترة الامتحانات
فى انتظار الجديد
وخلينا نشوفك
تحياتى
ألف ألف مليار مبروووووووووووووووووك
يانـجـــــــــــــــــم
وربنا يوفق كل طلاب الثانوية العامة ويوفقني انا كمان
أنا لسه بقي مخلصتش امتحانات
ادعيلي انت بقيت فاضي
وأتمني نشوف منك حاجات جامده جدا
زي حلم الجواز اللي أنا كنت مصدق لحد ما قرأت النهاية وصحيت من النوم
تامر نبيل
======
ازيك ياجميل عامل ايه
حاضر ياريس انتظروا الجديد فى التلاجه وجى
ههههههههههههههه
كيمو حبيب قلبى
==========
الله يبارك فيك ياجميل
وعقبالك قريبا
وحاضر انتظر الجديد
هههههههههههههههه
ايه انت شربت الحلم ههههههههههههههه
شكرا يادكتور واظن انا وضحتلك على الميل
حمدالله على انتهاء الامتحانات
عقبال الثانوية العامية
وطبعا تمنياتى لك باوقات صيفية سعيدة كلها طاعة ونشاط ومتعة
اكرر اعتذارى عن الخطأ المطبعى الى حصل فى مدونة حسام وهو فعلا غير مقصود اطلاقا
دعواتك لاخوانك عمر وياسر لانهم على آخرهم .
الاستاذة ايمان العزب
=============
الله يسلمك ياماما
وانا اللى اسف على اللى حصل وخلاص مامحبة الا بعد غلط ههههههههههه
ربنا يكرمهم ياب ويوفقهم ويكونوا من الفائقين اللهم امين
وخلاص احنا بقينا تمام ومافيش زعل
الدعوة لحظر الحزب الوطنى
لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى
قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه
حمد الله على السلامة
ومنتظرين قذائف جديدة تثقل بيها الميزان باذن الله
مش هتكلم تاني واقول اني مقموصة منك
ماااشي
بيان رقم 3
وبدأت مسيرة الحملة ولن تتوقف بأذن الله حتى نرى ثمارها
(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل الواجبات العملية 1- أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك وأسمك الذى تظهر به المدونة عند التعليق
2- موضوعك القادم بالمدونة أو المنتدى أن شاء الله يكون باللغة العربية قدرالمستطاع فى نفس المجال الذى تكتب به ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك
0 تاريخ اللغة العربية 0 أثر تحول اللغة العربية إلى العامية على الهوية
0 بلاغة اللغة العربية 0 هذه مصطلحات غير عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
0 خواطر وأشعار حول اللغة العربية سواء من مكتوبك أو منقولك
3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه
4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة
[Photo] قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة
وفقنا الله جميعا وتقبل الله منا ومنكم صالح الأعمال
السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
السلام عليكم ورحمة الله وبركاته
ننتظرإن شاء الله منكم الموضوعات الهادفة...
نفع الله بكم الإسلام والمسلمين...
وفقكم ووفقنا الله...
الاخ الفاضل على الزيبق
===============
جزاك الله خيرا على الزيارة
وفيه بالفعل مدونون ضد الحزب الوطنى ممكن تزور مدونتهم وهم بيدعو لكده بالفعل وشغلين الله ينور فريق عمل صح
حماتى الغالية
========
الله يسلمك
حاضر انظرى الطلقات اولها بتك طالق بالخمسه
هههههههههههههههههههههههههههههههههه
وانتى اللى مقموصه وزعلانه صح !!!!!
د/ابويحى
======
جزيتك خيرا
د/ابويحى
=====
وعليكم السلام
جزاك الله خيرا على شغلك ولكلا منا رايه فى هذه الحملة
عاشقة الشهادة وعاشقة فلسطين
===================
وعليكم السلام ورحمة الله وبركاته
جزاكى الله خيرا اختنا الفاضلة وفقكى الله
وانتظرى الجديد فهو قادم
السلام عليكم ورحمة الله وبركاته
المدون الفاضل ...النجم القادم..
عودا احمدا لكم ..
ولجميع الطلاب الذين انهوا اختباراتهم ...
ونسألكم الدعاء لنا نحن طلاب الثانوية العامة فمازال امامنا 3 مواد ....
وبارك الله فيكم..
جزيتم خيرا..
أختكمــ ::: سمية_بنت البنا_
الاخت سمية بنت البنا
===============
ربنا يكرمك يارب يافندم
ونتمنى التوفيق لكى
ولكل الناس اللى فى الثانوية العامة
وشدى حيلك عاوزينك دكتورة زى دكتور احمد كده
ربنا يكرمك يارب واحنا بندعيلكم والله
إرسال تعليق