استعدادات الزيارة المرتقبة
منذ اسابيع وأنا اشهد فى مدينتى حركة غير عادية
من نظافة وتجميل فى الشوارع ودهانات للأرصفة
وأوانى زرع مليئة بالورود ولما كانت هذه المظاهر
الجمالية غريبة على شوارعنا كما هي غريبة
على جميع شوارع مدن مصرنا الحبيبة
الا شوارع سكن المسؤلين .. كان اول ما آتى الى ذهنى
انها محاولة من محافظنا لإثبات جدارته للبقاء فى منصبه
بعد ان سمعنا ان هناك حركة تغيير قريبا فى المحافظين
لكنى سرعان مااستبعدت هذه الفكرة فالمسؤل فى بلادنا
لايهمه إلا ارضاء الكبار لاإرضاء الشعب
المهم بعد السؤال والتقصى من هنا وهناك
عرفت ان الرئيس مبارك هايزورنا ياجدعااااااااااااااااان
من نظافة وتجميل فى الشوارع ودهانات للأرصفة
وأوانى زرع مليئة بالورود ولما كانت هذه المظاهر
الجمالية غريبة على شوارعنا كما هي غريبة
على جميع شوارع مدن مصرنا الحبيبة
الا شوارع سكن المسؤلين .. كان اول ما آتى الى ذهنى
انها محاولة من محافظنا لإثبات جدارته للبقاء فى منصبه
بعد ان سمعنا ان هناك حركة تغيير قريبا فى المحافظين
لكنى سرعان مااستبعدت هذه الفكرة فالمسؤل فى بلادنا
لايهمه إلا ارضاء الكبار لاإرضاء الشعب
المهم بعد السؤال والتقصى من هنا وهناك
عرفت ان الرئيس مبارك هايزورنا ياجدعااااااااااااااااان
سمع هووووووووس( ترت تراتت تيرت) دى موسيقى
ومش بس كده دى كمان سيدة مصر الأولى هاتكون معاه
ماخبيش عليكم من يوم ماعرفت وأنا باحلم ياسلام
لو وأنا ماشى كده قابلت الرئيس مبارك ساعتها
ماخبيش عليكم من يوم ماعرفت وأنا باحلم ياسلام
لو وأنا ماشى كده قابلت الرئيس مبارك ساعتها
لوعرفت امشى يعنى انا ولا غيرى فى الشارع اليوم ده
كنت هاقوله كل اللى فى نفسى وعايزكم تحلموا معايا
وتقولوا لى لوأى واحد فيكم اتيحت ليه فرصة لقاء الرئيس
هايقول له إيه وأوعدكم انى هانقل له كل كلامكم
وميعادنا البوست اللى جاى مع لقائى بالرئيس
وكمان بالمرة فيه كلمتين اقولهم للسيدة الاولى
والان اترككم مع بعض استعدادات المدينة لإستقبال الرئيس
ولافتات الترحيب بس ياخسارة الدنيا مبطلتش شتا
وياعينى الناس بتوع الفراشة والخطاطين
عمالين يشيلوا ويحطوا كان الله فى عونهم
خلاص شوفوا دمنهور قبل الزيارة ودمنهور بعد الزيارة
كنت هاقوله كل اللى فى نفسى وعايزكم تحلموا معايا
وتقولوا لى لوأى واحد فيكم اتيحت ليه فرصة لقاء الرئيس
هايقول له إيه وأوعدكم انى هانقل له كل كلامكم
وميعادنا البوست اللى جاى مع لقائى بالرئيس
وكمان بالمرة فيه كلمتين اقولهم للسيدة الاولى
والان اترككم مع بعض استعدادات المدينة لإستقبال الرئيس
ولافتات الترحيب بس ياخسارة الدنيا مبطلتش شتا
وياعينى الناس بتوع الفراشة والخطاطين
عمالين يشيلوا ويحطوا كان الله فى عونهم
خلاص شوفوا دمنهور قبل الزيارة ودمنهور بعد الزيارة
ده بقى ايه عذراً (الخبور) كنا بنسميه كده الله يرحمه شالوه
وغيروا اسم ميدان الساعة الى ميدان الاوبرا (السعادة) على رأي د/جمال حشمت
دى بقى الاوبرا وهى بتترمم قال ايه رمموها بـ12 مليون امال لو بنوها كانت اتكلفت كام ......؟
بس سمع هوس دى بقى الاوبرا شوفتوا تستاهل الـ12 مليون والصورة الا الثانية برضه الاوبرا
ده بقى الكورنيش الا اتجدد بملايين ايام د/احمدنظيف لما كان عندنا بس الريس هيعدى عليه المرة فلازم يتجدد ويتغسل كمان
ده بقى شارع فى أبوالريش محدش من الكبار هيعدى عليه ولا حته هيبص عليه
وده شارع نفسى بنى آدم يلخص ويعمله على فكرة ده الرصيف الجديد بس هم نفضوله ومخلصهوش الريس اهم 
استنوا بقى كمان شويه لافتات الترحيب بالرئيس مبارك
بس زى ماقلتلكم ان الشتاء مش مخلى مؤيدى ومحبى الرئيس
يعلقوا الافتات خوفاً عليها من المطر وانها ميكونش شكلها حلو لما الريس يجى
متنسوش عاوز أعرف لو كنتم قابلتم الرئيس كنتوا هتقلوله ايه
علشان لما اقبله اوصله كلامكم انتظرونى البوست القادم
لقائى مع الرئيس مبارك فى بلدنا
مع تحياتى
النــــجـم القــــادم
هناك 68 تعليقًا:
أول تعليق يا عمنا
عدّ الجمايل بقى
بص يا سيدى أنا شخصيا اتوقع إن حستى مبارك " مش غلطة مطبعية "
مش ح يجيى بلدكم لإن الجو وحش جدا و الزبون بيخاف على صحته فهو ح يبعت مندوب
ده اولا
ثانيا و ده الأهم
إن يوم ما يجيى الراجل ف بلدكم اللى ح ينزل من بيته لإن أمن الرئاسة و المخاببرات و الحرس الجمهورى " كفاية كده ولا عاوز كمان " ؟
مش ح يدوا فرصة لحد يمشة ف الشارع
بالمناسبة
لو شفته
قوله
فكك مننا
انت بدأت تخرف ولا ايه ريس ايه ما علينا جايز تقصد رئيس العمال مثلا مش مهم
المهم انا هقوله انت ليه مش عاوز تسيبنا بقى الله يخليك حل عن قفا حضرتك واقوله انا بقعد كل يوم على سور البلكونه وادلدل رجلى وادعى واقول يا رب فك الغراء اللى فى الكرسى بتاعه
وبعدين افرح اهم نظفوا شويه الشوارع
أخ
عملتها و سبقتني
أنا كنت ناوي أكتب عن الموضوع ده
بس بما إنك لطشت مني صورتين قدام
إسمح لي اني ألطش منك صورتين في البوست اللي حأعمله عن الزيارة التاريخية دي
و نبقى خالصين
:)
أما حتقول له ايه فمش حتلحق لأنهم حيخرطوك زي ما عملوا في الراجل بتاع بورسعيد من بتاع 10 سنين كده
قبل ما تلمس العربية
الريس مابينزلش اى بلد
فى الشتاء
يمكن ييجى عندنا احنا بس
ولو انته قابلته قوله حسام يحى (مدونه صوت الحريه )ا
زعلان منك جدا عشان انت معلقتش عنده
متنساش
السلام عليكم
عم النجم ايه ده الرئيس عندكم ياد النور ياولاد
طيب نيجى نفرش الأرض ورد ولا نعمل ايه طيب
أظن الارض اتروقت بما فيه الكفاية
وكمان الورد ملى البلد
ماهى البلد متروقش غير لماالريس يعدى منها
عملوا كده عندنا السنة اللى فااتت برضه والدنيا راقت عشان سيادته جاى زيارة
حسبي الله ونعم الوكيل
ابقي سلملي على الريس وقوله فيه ناس غلابة بتموت من البرد والجوع ياريت يبقي يكلف خطرته ويبص عليهم
اخي النجم القادم انا جيت اهو
اسفة على التاخير النت مشاكله حضرتك اكيد عارفها
بجد الرئيس هيعدي من عندكوا
وايه الشارع اللي بتقول عليه وحش دة
تعالى بقى في ادغال سبرا الخيمة وانت تعرف معنى الشوارع بجد
هبقى اصورهالكم علشان تعرفوا مدي معاناتي وانا رايحة عند ماما سواء من شوارع ولا توكتوكات ولا سائقي الميكروباص وحدث ولا حرج اناشدك تقوله يعمل حاجة فيها اي حاجة
كمان الاسكان في العاشر من رمضان فتح وكمان الناس اتت من كل فج عميق تحجز محتاج ومش محتاج قوله يشوف صرفة لسكان الايجار الجديد اللي زي حالاتي وجيوبهم فضيت بسبب الايجارات الجديدة اللي المفروض تحل الازمة بتاعت الاسكان فاضافت نوع اخر من الاستغلال والجشع
كمان سكان البيوت القديمة يلزمهم بالترميم وحتى لو صاحب البيت مش هيرمم لان ايجاره كلام فارغ بس يلزم السكان كلهم بقانون يرغمهم يتكاتفوا في الترميم
كفاية الحاجات دي الزيارة دي
دمت بخير يا اخي
خير خير
الرئيس جاى
ياريت تقوم بعمل وطنى وتنبه على الناس المريضه واللى ناويه تمرض تروح المستشفيات قبل الزياره
وطبعا الناس توفر صحتها وتجلس فى البيت علشان لما تنزل الشارع وتلاقيه واقف دمها مايغليش
وممكن يتعبوا
وساعتها هايموتوا لان مشفيش حد هايلحقها
أما تقوله إيه
قوله بحلم لو عاد الإسلام يحكم من تانى
----------
جزاكم الله خيرا أخونا النجم القادم على وضع مدونتى مع المدونات المفضله
دا شرف ليا
بس ليا رجاء بلاش الإسم من فضلك
لا يا حج احنا ما بنخاف من احد ولا من أشى
و رأى انك لما تشوفه قوله يا ريس انا عايز اقعد معاك سنيين طويلة علشان اقدر اوصلك مشكلات المصريين و باختصار ومش هطول عليك
بس خلاص
يا نجمالريس عمره ما يجى عندنا ممكن يبعت ماما سوزان كبش فدا
فكرتنى بفيلم جواز بقرار جمهورى ...اهنئك على موضوعك
السلام عليكم
اعتقد بأن حلمك لن يتحقق
و هموم الغلبانين مش محتاجه ان حد يقولهالك
بص لنفسيك و اللى حوليك و انتا تعرفها
.
.
.
.
.
.
تعليق يغم النفس مش كده
تحياتى ابو مفراح
جمعاوى باشا
===========
شكرا ياعمنا على الجمايل دى كلها
يجى ولا ميجيش مش هتفرق المهم البلد اتروقت
وهوصله رسالتك فكك مننا
appy
====
ان شاء الله هوصله رسالتك بس انتى شكلك مش بتبقى معريه شعرك وانتى بتدعى علشان كده الدعاء مش بيستجاب
او يمكن هو يكون عامل حجاب
مهندس مصرى
===========
كان غيرك اشطر ياهندسة
انته عارف نحن الاسرع دائما
ههههههههه
وعلى فكرة انا ملطشتش منك حاجه انا جايب الصور من موقع البحيرة
وعادى ياعم خد الصور الا تعجبك
بس ان شاء الله هقابله واقوله الا فى نفسنا
حسام باشا
=========
ليه ماينزلش عندنا وينزل عندكم
ايه انتوا عندكم اوبرا زينا لولولولولولو
وحاضر هقوله يجى يعلقك اقصد يظبطك اقصد يييه يعلق عندك
عاشقة الوطن
===========
انتى تؤمرى حاضر هقوله الا انتى عاوزاه بس هو جه عندكم بجد اصلهم بيقولوا
انه احتمال يعتزر بعد كتابة البوست ده
عاشقة النقاب nonoymm
=====================
اهلا بيكى يافندم واسف ايه بس الا بتتأسفيه
ربنا يكرمك ياااارب
احنا عاوزين نشوفك بس عندنا على طول
وازى خطيبتى الصغيرة
وربنا يكون فى عونكم مش لازم تروحى عندماما ومش لازم تسكنى ولا تتزوجى ياااااه انتى لسه عايشه ليه ههههههههههه
انا مسلمة
==========
اهلا بيكى يافندم
وان شاء الله هعمل الا بتقولى عليه وجارى التنفيذ
وشرف ليا انا يافندم انى اضع مدونتك عندى وانا اسف بخصوص وضع الاسم
NIDAAL PAL
============
اهلا بيك يافندم عندنا تشرفنا بحضرتك
وايه اقعد معاه سنيين طويلة ياخى حرام عليك هو لسه هنيقعد كمان كده والله حرام يعنى
ربنا يديله طولة العمر بس كفاية كده الناس بتطلع على المعاش
نتمنى منك تكرار الزيارة
غير معروفه
==========
فكك ولا ماما سوزان حتى هتيجى
gannah
======
اهلا بيكى يافندم وشكر على الزيارة الجميلة دى
نرجوا تكرارها
ابومفراح
=========
لا تعليق لايغم ولا حاجه
حبيبى انتى عامل ايه
ويلا بينا نخفف عن الناس شوية وننقله بعض المعاناة الا يعانيها الشعب الا هو مش منه
جميل جميل جمييييييل
انا بحب البوستات المصورة دى اوى
مهندس مصرى كان مرة زمان عامل حاجة زى دى لما نظيف راح
والله لو كان معايا تليفونه كنت بعت له كلمنى شكرا
هههههههههه
تحياتى
احمد الصباغ
خالووو احمد
===========
ايه ياعمنا فينك
انته الا جميل ياجميل
وياعم خلاص متزعلش ابقى اقوله هات رقم موبايل علشان الشعب يرن عليك
اهم شئ ان تقول لسيادة الرئيس ان هناك ملايين اشباب زيك كده يعنى فى أمس الحاجة الى هذه الملايين من الجنيهات التى تهدر فى مثل هذه الزيارات لإقامة مشروعات لتشغيل اخوانك الشباب وماتنساش تاخد معاك ممثل دائرتكم الحقيقي مش المزور الذى يمثلكم الآن فى البرلمان يمكن يكون سيادته ماسمعش عن التزوير الذى طال الأعناق مش الركب
هناء
====
ازيك يافندم
بسم الله ماشاء الله
متابعه جيدة للمدونة
اشكرك يافندم
حاضر هقوله الا انتى عاوزاه كله
بس لو اخدت الدكتور معايا كده لا انا هوصل ولا هو كمان هههههههههه
اخونا النجم
اسفه علي التاخير
النت من ناحيه والشاشه اتحرقت من ناحيه تانيه
بس ايه ده تدوينه حلوة جدا والله ربنا يبارك فيك
بس ماقلتلناش جه ولا لسه
هقول ايه للريس
ممممممممممممممم
هقوله واتقوا يوما ترجعون فيه الي الله
وكمان كلكم راع وكلكم مسئول عن رعيته
كفايه عليه كده
وكفايه عليه الواحد مخنوق
والله أعم بعد الكلام اللي النس الحولة ديت قالته عايزين لسة أقولك حاجة في ها اقولك انت مش ها اقول للريس البقاء والدوام لله فيك وبقدمهالك مقدما لان بعد ... مش ها أعرف اقولهالك ولو قدر الله وقدرت توصل قول للريس " واتقوا يوماً ترجعون فيه إلي الله " وبعد كدة أبقي أجيلك في الترب تقولي قالك إية
عاشقة الفردوس
=============
اهلا بيكى يافندم الف سلامة على النت بتاعك
طب متديله برشامه مضد حيوى
زعلتينى على الشاشة
طب نجيب شاشة ونيجى
والله هم بيقولوا لسه وممكن تتاجل شويه علشان الشتاء علشان الجزمة متلمعه الصبح وخيفين عليها تتوسخ
هوصله سلامك حاضر
ده عشان الرئيس والسيدة حرمه
أمال لو كان السيد ابنه هو إللى جاى كان عملوا إيه..
على أساس إن جمال لسه بنظره..يعنى هيشوف كويس
يالا
ربنا يتولانا برحمته
حقوق مسلم
=========
شكرا على كلامك واعدك انى هوصله كلام ان شاء الله لو قابلته
فزلوكة
=======
اهلا بيكى يافندم
شكر على الزيارة الجميلة دى
لا لو جمال جى احنا هنسيب البلد علشان
ميشوفش الاشكال دى
عايز أقوله
ممكن لو سمحت تزود بس الدعم لرغي العيش
أصلنا بنشتري كل يوم يجي بـ 5 جنيه
الرغيف من أبو ربع...ميقضيش بق واحد
وربنا المستعان :)
ض/ خالد
========
اهلا بيك يافندم
ان شاء الله نوصله رسالتك
انت بتنهنزر اكيد
ريس مين ده اللي تقابله
ده نظيف كان معدي تحت بيتنا كان ممنوع نفتح الشباك
والقناصة كانوا في كل مكان..
ارجو الاهتمام بذلك الموضوع الموجود بالمدونه وارجو التضامن معى وشكرا
vague
======
لا والله مش بهزر
ده كلام بجد بس يلا بقى
وشكرا على الزيارة
لحظة من فضلك
============
اهلا بيك عندنا
انا مش عايزاك تقوله حاجه
انا مش خرساء
انا هقوله
وبالنسبه للمخابرات والجو البوليسي اللي الاخ جمعاوي بيقول عليه
ركك بس اقلع الخمار واحنا نفوت في اي حته اصله بيعملهم حساسيه
انا بقى هقوله
هشتكنا وبشتكنا ياريس
ده انت رئيس وشبشب ام عبده كويس
يامدلعنا
يامشخلعنا
قول لشعبك
روح اتليس
"شبشب ام عبده مقتبسه من الشيخ وجدي غنيم"
دعوة الفردوس
==============
عاش من شافك لولولولوى
اهلا بيكى
انتى مش عاوزانى اقوله حاجه طب يلا ياختى ورينا شطارة
اذا كان الرجالة ياعالم هيعرفوا يبصوا عليه انتوا بقى هتعملوا ايه هتزغرطوا صه
ههههههههههههههه
وابقى يا اختى وصليله الا انتى عاوزه توصلهوله
وابقى قابلينى لو عبرنا وجه اساساً
اخونا النجم
اول تعليق على مدونتك
كان نفسى بيقى تعليق فى موضوع تانى
ولكن
بما ان الريس حبيب الكل
وماما سوزان جاية معاه
فأنا انصحك بانك تشوف شوية عيال صغيرين وتعمل للريس نشيد استقبال
يستاهل
علشان ختى تكسب ثقتة \
وتعررف توصل له طلباتنا
وطلبات الناس اللى سابوها حمل عليك
واللى اعتقد انك اصلا مش هتعرف تنزل من بيتك قبلها بيومين او تلاتة
ولو حصل نصيب لقدر الله
وشفت الريس
قوله
ابقى سلملى على المترو
يلا
خلى عندنا شوبة امل
قلب ابيض
=========
اتشرفنا بزيارتك ياجميل ربنا يباركلك
وعلم وسينفذ وجارى تدريب الاشبال
ههههههههههه
ربنا يعزك حبيبى
بالله عليك جاى يعمل ايه
جاى يعتقل الاخوان
ولا يجوع الشعب
ولا يكتم الافواه
خليه هناك فى شرم قاعد مستريح
محمد الشاعر
===========
وانته مالك ههههههههه
جى يفتتح الاوبرا
وبعدين من امتى احنا بقوله رايح فين وجى منين ايه انته مراته ههههههه هى جايه معاه علشان متقولوش رحت فين ومتاخر ليه
السلام عليكم
انا معتقدش ان الاتنين ييجوا مرة واحده فى جو زى اللى بتقول عليه ده
كان عندنا حفلة كبيرة فى الاستاد والمفروض انها حدث أول مرة يحصل ويوم الافتتاح وكده
والمفروض ان حرم الرئيس هتييجى
وقيس على مجيتها دى ملايين بتتصرف وشوارع بتتظبط ويافتات واعلانات وكروت بتتطبع ومطربين جايين يغنوا والوزير جاى
وفى الاخر اتصلت وقالوا انها بتعتذر ومش هاتيجى
لا ما اعتقدش انهم ييجوا عندكم
ولو حصل وراحوا عندكم ابقى قولهم فاطمة بتقولكم ازيكم بس كده
فاطمة
=====
اهلا بيكى يافندم عندنا
ايه النور ده
وبعدين شكله على كلامك كده انه مش جى مش عارف حاسس كده
المهم لو جه هوصله سلامك
ايه ده هوة فيه ايه
أنا باين عليا اتأخرت كتيير يا ولدى
بس ايه الدوشة اللى حضرتك عاملها دى
وبعدين مين اللى جاى عمو حستى ومامتهم سورى وأنا بقول دمنهور بقت دبى ليه
بص ابقى روح سلمنا عليهم عشرة عمر برضه ده راجل من زمان جد أبويا
وطنت دى عاملة مهرجان القراءة للجميع والكتابة لناس واحدة بس
وقول لفخامة البيه الكبير ارحم دماغك وبطل تفكر فينا احنا مش غاويين نتعبك
وقوله هابى فلانتين بس مش قدام ماما سوزان يحسن تزعل
عن نفسى لو شوفته ماشى من شارع هلف وأمشى من شارع تانى أصلى بخاف يحسن أحسده يا عينى على طلعته البهية اللى لو كان منها مية كنا انقرضنا من زمان
بس خلااااص كفاية تقطيع فيهم بس على فكرة مامتهم سوزى كانت جاية عندنا برضه فى الزكازيك سيتى علشان أسبوع فتاة الجامعات بس اعتذرت الظاهر إن سنسن قالها مينفعش خروجتين فى شهر واحد أنا راجل شرقى ..
خديجة .... لا للسكوت
===================
اهلا وسهلا بيكى عاش من شافك كفارة
انتى كنتى معتقلة ولا ايه ؟؟؟
ههههههههههههههههههههه
انتى بكلامك ده كده هتودجينا جوانتنامو
بس خليكى فاكرة اوعى تخاف
وعلى فكرة انتى كده بتغتابيه وان مرضاش كده على رئيسى الابى الذى يدافع عنا وعن اراضيا وعن شعبنا ضد الغزو الفلسطينى وكوكوكوكوكوكوكوك
بس بقى علشان احنا كده هنروح ابوزعبل طمطمطمطمطم اوعى تخاف
الله يسهلللللللللله
يارب الريس يزورنا كل يوم
ميقعدش ف بيتهم خالص
وينزل يزور مصر كلها كعب داير
البلد بتتغسل غسله
ده حتى المواطنيين ببقى حاسه انهم بيغسلوهم كمان
مستنيين لقائك المرتقب
انا حبيت امسى عليك الاول
واقولك مبروك عليكم زيارة الريس ومبروك مبنى الاوبرا وعقبال الست عايدة متشرفكم هى كمان
بس المهم تكونوا مجهزين توكتوك يليق بالريس والست حرمه ويكون عليه بالونات وصواريخ
تحياتى خالد
يا سلام!ا
مش جاي بقى!.. هيعملوا زي اسبوع الفتيات عندنا
سوزان جاية وطبعا لا حس ولا خبر
عادي يعني
بس كويس ان البلد نضفت
اهو الواحد يشوف مناظر حلوة :)ا
تحياتي
اخينا الفاضل
كل الشكر لك رغبتك فى الانضمام الينا ونحن فى انتظار زيارتك للجنة العضوية وكتابة استمارة العضوية لتنظيم العمل بالاتحاد واختيار لجنة تناسب ميولك للتواصل مع باقى الاعضاء وخدمتهم ان امكن
مع تحيات اخوك
حسن توفيق
اتحاد المدونيين المصريين
السلام عليكم
حلوه فكرت البوست
انا هقوله
لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآَخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آَبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ
فانقذ اخوانك فى فلسطين ومد اليهم يد اللعون
د:اجدع بنوته
============
الف شكر يافندم على الزيارة الجميلة
ونتمنى منك تكرار الزيارة
وبعدين انتى هتنقى من اول زيارة علينا
هههههههههههههه
وان شاء الله اوصل للريس الا انتوا عاوزينه
وانتظروا لقائى بالريس وهو عندنا
تحياتى لكي
أ:خالد
=======
اهلا بيك يافندم على الزيارة الجميلة
وان شاء الله نشوفله احسن توك توك هو احنا عندنا اغلى من الريس
ونتمنى تكرار الزيارة استاذنا الغالى تخياتى لك
مروة جمعة
========
تحياتى لكى والف شكر على الزيارة الغالية دى
بس انتى مالك متفائلة كده ليه هههههه
بس والله على رايك انا كمان حاسس كده انه هينفض ومش هيجى
بس على رأيك اهى البلد نضفت والحرامية سرقوا شويه
حسن
===
اهلا بيك يافندم على الزيارة الغالية دى وربنا يباركلك ياااااااارب
وان شاء الله هزوكم حالا واشوف الاجراءات الا انتوا عاوزينها
السلام عليكم
call for coexistence
=====================
الله يكرمك يااااااارب على الزيارة
الغالية دى لينا وربنا يعزك يااارب
ونتمنى منكى تكرار الزيارة
وان شاء الله نوصل رسالتك للريس
وشكراً للمرورك
ربنايكون فى عونكم ويعينكم على انكم تتحملوا الرئيس وغتاتة الرئيس وبرادة اهل الرئيس وتعطيل المرور بناءا على تعليمات ابن ستين فى سبعين الرئيس و..و.الخ
ازيك يا ابو احميد اخبارك ايه
ربنا يبرك فيك بس بلاش الكلام الخارج مرة تانية
ربنا يحميك
سلام عليكم يا نجم
انا جيت اهو ومخوفتش من حاجه والارزاق على الله اخوان اخوان بقى هههههه
المهم اول حاجه احب اقولك ان بجد ومش نفاق والله المدونه عجبتنى جدا واللى عجبنى اكتر اسمها ( اوعى تخاف) صوت من لا صوت له ...
بجد اختيار حلو للاسم وواضح ان هى كده فعلا صوت من لا صوت له .. دايما كنت بدخل مدونات ومفهمش صاحبها اختار اسمها ليه او ان الاسم مش بيعبر عن موضوعات المدونه ..
عموما احييك على اختيارك للاسم ونخش بقى فى المفيد . يابختك ياعم الريس عندكم ومحدش قدكم هههههههه
والله سؤالك انى لو شوفت الريس اقولوا ايه ده سؤال عميقققققق جدا لانى متهيالى عندى طلبات كتير اوى ومش هتخلص وبعدين دى هتبقى فرصه هو انا هشوف الريس فيس تو فيس كام مرة فى العمر يعنى
من الحاجات اللى كنت ممكن اقولهالوا كنت هقولوا يتنكر وينزل مرة يعيش وسط الناس شهر واحد بس ويجرب الناس دى عايشه ازاى ويشوف بعينو بهدلت المواطن مصرى كل يوم ولو الريس استحمل العيشه دى مش هفتح بؤى ولا اشكى خالص
ولو حب الريس يكمل ويعيش زى المواطن العادى مفيش مانع هو يبقى مواطن وانا اتعين رئيسه جمهوريه ههههههههه واشوفلى يومين حلوين بقى قبل ما اموت
اسلام رفاعى
===========
الف شكر لمرورك ونتمنى منك تكرار الزيارة بالتوفيق حبيبى
بشمهندس علاء
============
ايه النور الا طل علينا فاجاة كده لا مش مصدق نفسى الهندسة كلها عندنا
ايه النور ده كله ربنا يباركلك ياااارب ياحبيبى
وانا اسف استاذى على الكلام الخارج واعدك الا اكرره
ريهام
=====
اهلا بيكى يافندم
والف شكر على زؤقك ياريرى
وان شاء الله نوصله الرسالة ومبروك عليكى الرياسة ههههه
وخلينا نشوفك تانى هعندنا ومرسى على الزيارة
الباشا الكبير
متزعلش ياعمناجيت ارد عليك اهه
بس مش عيب تعماوا كل البرابجندا دي
وفي الاخر الريس يقلبكوا كده
ويديكوا قفا عريض
مش عيب
يلا تعيشوا وتخدوا غيرها
لو لولو لو لولو لو لى
الجمعاوى الاصيل عندنا لا مش مصدق نفسى
=============
ايه النور ده كله يا اخى انته احسن من حسنى مية مرة فكك الا يجى يجى والا ميجيش ميجيش فكك بس اهى البلد نضفت شويه هههههههه
السلام عليكم
أنا لا أحب أن يأتي عندنا في الأسكندرية لأنه يسبب أزمّة في المرورو و الناس تكون مخنوقة و لا نستبشر خيرا بزيارته ربنا يكون في عون اخواننا في القاهرة و لا أحب أن أقابله أبدًا و ان حدث سأقول حسبنا الله و نعم الوكيل
سارة
====
اهلا بزيارتك يافندم
وتشرفنا بيكى عندنا ربنا يباركلك واهو مجاش عندنا احنا كمان يلا ولا عندنا ولا عندكم ههههههههه
تحياتى لكى وخلينا نشوفك تانى
إرسال تعليق